މުވައްޒަފުންން ވެރިންނަށް އަދި ވެރިން މުވައްޒަފުންނަށް އިތުބާރު ނުކުރާނަމަ، ކޮށްދެވޭނެ ރަނގަޅު ހިދުމަތެއް ނޯންނާނެކަމަށް ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެއްޖެއެވެ.
ފަހުމީ މިހެން ވިދާޅުވީ، ސްޓެލްކޯއިން އެ ތަނުގެ ވެރިންނަށާއި މުވައްޒަފުންނަށް ކުރިއަށްގެންދިޔަ ހިންގުމާއި ހުނަރު ތަރައްގީ ކުރުމުގެ ޕްރޮގްރާމް ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
އެގޮތުން މަސައްކަތުގެ މާހައުލުގައި ވެރިޔަކަށް އޭނާގެ ދަށުން މަސައްކަތްކުރާ މުވައްޒަފުންނަށް އިތުބާރު ނުކުރެވޭނަމަ އެމީހުން އެ މަގާމުގައި ބައިތިއްބަން ބޭނުން ނުވާނެ ކަމަށާއި، އަދި މުވައްޒަފުންނަށް ވެރިމީހާއަށް އިތުބާރު ނުކުރެވޭނަމަ އެކަށޭނަ މަސައްކަތެއްވެސް ނުކުރެވޭނެ ކަމަށް ފަހުމީ ވަނީ ވިދާޅުވެފައެވެ.
ފަހުމީ ވިދާޅުވިގޮތުގައި މި ޕްރޮގުރާމުގެ މައިގަނޑު މަގްސަދަކީ ކުންފުނީގެ މުވައްޒަފުންގެ މެދުގައި ގުޅުން ބަދަހިކޮށް، އެކަކު އަނެކަކަށް އިތުބާރުކުރަން ދަސްކޮށްދިނުމެވެ. އަދި މަސައްކަތް ކުރަން އެކަށޭނެ މާހައުލެއް ބިނާ ކުރުމެވެ. މި ކަން ހާސިލުވެފާ ވާކަމަށް ގަބޫލުކުރައްވާ ކަމަށްވެސް ފަހުމީ ވަނީ ވިދާޅުވެފައެވެ.
މިއީ ސްޓެލްކޯއިން 3 ދުވަހުގެ މުއްދަތަކަށް ކުރިއަށް ގެންދިޔަ ޕްރޮގުރާމެކެވެ. މި ޕްރޮގުރާމުގައި 37 ފަރާތެއް ބައިވެރިވެ ތަމްރީނު ވަނީ ފުރިހަމަކޮށްފައެެވެ.
ސްޓެލްކޯއިން ވަނީ ގައުމީ ދިފާއީ ބާރާއި ގުޅިގެން މި މަހުގެ 10 ވަނަ ދުވަހުވެސް ގިރިފުށީ ޓްރެއިން ސެންޓަރުގައި ސްޓެލްކޯގެ ހުރިހާ މުވައްޒަފުންނަށް އަމާޒުކޮށްގެން ޓްރެއިނިން ސެޝަނެއް ބާއްވާފައެވެ. މި ސެޝަނުގައި 120 މުވައްޒަފުން ވަނީ ބައިވެރިވެފައެވެ.
އިތުބާރަކީ ތައްޓަށް ލައިފް ދޭއެއްޗެތަ؟ އިތުބާރު ހޯދަން މަސައްކަތް ކުރަންޖެހޭނީ. ވަޒީފާގެ ބިރު ދެއްކުން ހުޓާލާ.