އަމިއްލަ ގައުމު ދޫކުރައްވައި ސިންގަޕޫރަށް ވަޑައިގެން އުޅުއްވާ ލަންކާގެ ރައީސް ގޮތަބަޔާ ރާޖަޕަކްސަ، މަގާމުން އިސްތިއުފާ ދެއްވައިފިއެވެ.
ލަންކާގެ ބައެއް ނޫސްތަކުން ބުނި ގޮތުގައި، ގޮތަބަޔާ އިސްތިއުފާ ދެއްވާނެ ކަމަށް ވިދާޅުވެފައިވާ ސިޓީފުޅު، އެ ގައުމުގެ ގާނޫނު ހަދާ މަޖިލީހުގެ ރައީސް މަހިންދާ ޔަފާ އަބޭވަރްދެނާ އަށް ލިބިވަޑައިގަތީ މީގެ ކުޑައިރުކޮޅެއް ކުރިން އީމެއިލުންނެވެ.
ގޮތަބަޔާ ލަންކާގެ ރައީސްކަމުން އިސްތިއުފާ ދެއްވާފައިވަނީ، މަގާމުން އިސްތިއުފާ ދެއްވާނެ ކަމަށް ވިދާޅުވިތާ ދުވަހެއްވީ ފަހުންނެވެ. އޭނާ އެ މަގާމުން އިސްތިއުފާ ދެއްވާފައިވާއިރު، ލަންކާގެ ބޮޑުވަޒީރުކަމުން އިސްތިއުފާ ދެއްވަން ނިންމަވާފައިވާ ރަނިލް ވިކްރަމަސިންހަ ވަނީ ވަގުތީ ރައީސް ކަމަށް އައްޔަނުކޮށްފައެވެ. މާދަމާ ލަންކާގެ ގާނޫނު ހަދާ މަޖިލިހުން ވަގުތީ ބޮޑުވަޒީރެއް ވެސް އައްޔަނު ކުރަން ވަނީ އެޖެންޑާކޮށްފައެވެ.
ގޮތަބަޔާ އިސްތިއުފާ ދެއްވި ކަމުގެ ސިޓީ ފޮނުއްވާފައި ވަނީ ރާއްޖޭގައި 33 ގަޑިއިރު ހޭދަ ކުރެއްވުމަށް ފަހު، ސިންގަޕޫރަށް ވަޑައިގަތުމަށް ފަހުގައެވެ.
މިހާރު ސިންގަޕޫރުގައި ގޮތަބަޔާ ހުންނެވިއިރު، ބޭރުގެ ބައެއް މީޑިއާތަކާ ހަވާލާދީ ސިންގަޕޫރުގެ ފޮރިން މިނިސްޓްރީގެ ތަރުޖަމާނަކު ވިދާޅުވީ، ގޮތަބަޔާ ސިންގަޕޫރަށް ވަޑައިގެންފައި ވަނީ އަމިއްލަ ދަތުރުފުޅެއްގައި ކަމަށާއި، އޭނާ އަށް އެ ގައުމުން ހިމާޔަތް ދީފައި ނުވާ ކަމަށެވެ.
ސިންގަޕޫރަށް ވަޑައިގަތުމަށް ފަހު ގޮޓާބަޔަ އިސްތިއުފާ ދެއްވައިފި ނަމަ އެވަގު ކަލޭގެ އާއި އެކު ކެނެރީގެ ނަޝީދު ވެސް އިސްތިއުފާ ދޭން ޖެހޭނެއޭ އަދި ރައީސް އިބޫ ވެސް އިސްތިއުފާ ދޭން ޖެހޭނެއޭ ލަންކާ ރައްޔިތުންގެ ގޮހޮރަށް ދަންދެން އަތްބާނާ ބަނޑުއަޅާލައިގެން އެގައުމު ދޫކޮށް ފިލަން އުޅުނު ވަގަކަށް މިގައުމުން ހިމާޔަތް ދޭން ޖެހޭނެ އެއްގޮތެއް ވެސް ނެތޭ
ގޮޓާބަޔައަށް އެހީވުމަކީ ދިވެހި ސަރުކާރުގެ ބުއްދިވެރި ނިންމުމެއް ކަމަށް ކެނެރީގެ ނަޝީދު ބުނި ނަމަވެސް އެއީ ދިވެހިރައްޔިތުން ޚުދު އެމްޑީޕީގެ މެމްބަރުން ވެސް އެދޭ ކަމެއް ނޫނޭ
މިސަރުކާރާއި ސަރުކާރުގެ ކެބިނެޓް އިސްތިއުފާ ރައްޔިތުންގެ ރުހުމެއް ނެތި ގައުމު ތަކުގެ ޚަޒާނާ ލޫޓުވާލާ ބޮޑެތި ވަގުންނަށް ކެނެރީގެ ނަޝީދު ބުނެގެން ހިމާޔަތް ދޭނަމަ ބޮޑެތި ވަގުންނަށް ހިމާޔަތްދޭ ވަގުން ނަށް ވައްކަން ކުރަން ގައުމު ތަކުގެ ޚަޒާނާ ލޫޓުވާލަން ހިތްވަރު ދޭ ގައުމަކަށް އެމްޑީޕީގެ ވެރިކަމުގައި މިގައުމު ބަދަލު ކޮށްފިއޭ