ޕީއެންސީގެ ޕާލަމެންޓްރީ ގްރޫޕްގެ ޑެޕިއުޓީ ލީޑަރު ކަމުން ރައްޔިތުން މަޖިލީހުގެ މަހިބަދޫ ދާއިރާގެ މެންބަރު އަހްމަދު ތޯރިގު (ޓޮމް) އިސްތިއުފާ ދެއްވައިފިއެވެ.
ޕީއެންސީގެ ޑެޕިއުޓީ ޕީޖީ ލީޑަރުގެ މަގާމުން ތޯރިގު އިސްތިއުފާދީފައިވަނީ މިއަދުއެވެ. މި މަގާމުން އިސްތިއުފާ ދިން ސަބަބު ތާރިގު ހާމަކޮށްފައި ނުވާއިރު ޕީއެންސީ އިން ވެސް މިކަމާއި ގުޅިގެން އެއްވެސް މައުލޫމާތެއް ހިއްސާކޮށްފައެއް ނުވެއެވެ.
ޕީއެންސީގެ ޑެޕިއުޓީ ޕީޖީ ލީޑަރުގެ މަގާމަށް ތޯރިގު އައްޔަންކޮށްފައިވަނީ އީސް ޑރ. މުހައްމަދު މުއިއްޒު، މެއި 22، ގައި އެ ޕާޓީގެ ޕީޖީ ގްރޫޕާއެކު ބޭއްވި ބައްދަލުވުމެއްގައި އެމަނިކުފާނެވެ. ޕީއެންސީގެ ޑެޕިއުޓީ ޕީޖީ ލީޑަރުންގެ ގޮތުގައި ތާރިގުގެ އިތުރުން ތިން މެންބަރުން ތިއްބަވައެެވެ.
ރައްޔިތުންގެ މަޖިލީހުގައި މެންބަރުންކަން ކުރައްވާތާ ގިނަ ދުވަސްވި މެންބަރުންގެ ތެރޭގައި ހިމެނިވަޑައިގަންނަވާ ތާރިގު މަޖިލީހުގެ މެންބަރުކަން ކުރައްވާތާ މިއީ ތިންވަނަ ދައުރެވެ. މަޖިލީހުގެ ރިޔާސަތު ބަލަހައްޓަވާ 5 މެންބަރުންގެ ތެރޭގައި ވެސް ތާރިގް ހިމެނިވަޑައިގަންނަވައެވެ.
