އަންނަ ހޮނިހިރު ދުވަހު ހުޅުމާލެ ޗެނަލް/ކޯރު ސަރަހައްދު ބަންދު ކުރުމަށް ނިންމާފައިވާ ކަމަށް ހައުސިންގް ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނެފިއެވެ.
އެޗްޑީސީން މިއަދު ކުރި އިއުލާނެއްގައި ބުނީ، އެ ކުންފުނީގެ ބޭނުމަކަށް ހުޅުމާލެ ޗެނަލް/ކޯރު ސަރަހައްދު 15 ޖޫން 2024 (ހޮނިހިރު) ދުވަހުގެ ހެނދުނު 09:30 އިން މެންދުރު 14:00 އަށް ބަންދު ވާނެ ކަމަށެވެ.
އެހެންކަމުން މި ގަޑިތަކުގައި އެ ސަރަހައްދުގައި ޖެޓް ސްކީ ކުރުމާއި މޫދަށް އެރި އުޅުމުގެ އިތުރުން ޑިންގީ ހުރަސްކުރުން ނުވަތަ ޑީންގީ އެ ސަރަހައްދަށް ވަނުމަކީ މަނާ ކަމެއް ކަމަށް އެ އިއުލާނުގައި ވަނީ ބުނެފައެވެ.
މި ޗެނަލް ބަންދު ކުރަނީ އާންމުންނަށާއި އެ ސަރަހައްދުގައި މަސައްކަތް ކުރާ ފަރާތްތަކުގެ ސަލާމަތާއި ރައްކާތެރިކަން ކަށަވަރު ކުރުމަށް ކަމަށް އެޗްޑީސީން ވަނީ ބުނެފައެވެ.
އެ ސަރަހައްދު ބަންދު ކުރަނީ ކޮން މަސައްކަތެއް ކުރަން ކަމެއް އެޗްޑީސީން ބުނެފައި ނުވާއިރު އެ ސަރަހައްދަކީ އާންމު ގޮތެއްގައި މީހުން މޫދު އެރުމުގެ އިތުރުން ޑިންގީ ވެސް ދަތުރު ކުރާ ސަރަހައްދެކެވެ. އެހެންކަމުން މިކަންކަމަށް ހާއްސަ ސަމާލު ކަމެއް ދިނުމަށް އެޗްޑީސީން ވަނީ އެދިފައެވެ.
