އަބަދުވެސް ޗެލެންޖަކީ ސަރުކާރުގެ މާލީ ހާލަތު ކަމަށް ކުރީގެ އިކޮނަމިކް މިނިސްޓަރު އަދި އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެއެވެ.
ފައްޔާޒު މިފަދައިން ވިދާޅުވީ މިހާރުގެ އިކޮނަމިކް މިނިސްޓަރު މުހައްމަދު ސައީދުގެ ވާހަކައަކަށް ރައްދުދެއްވައެވެ.
މާލީ ގޮތުން ރާއްޖެ ބަނގުރޫޓުވެފައިވާ ކަމަށާއި އެހެންކަމުން އައިއެންއެފްގެ ޕްރޮގްރާމެއްގައި ސަރުކާރުން ބައިވެރިވާން ނިންމާފައިވާ ކަމަށް ބުނެ ސޯޝަލް މީޑިއާގައި ދައުރުވަމުންދާ ވާހަކަތަކަށް ރައްދުދެއްވައިސައީދު ވިދާޅުވީ ރާއްޖޭގެ މާލީ ނިޒާމްގެ އިތުބާރު ގެއްލުވާލަން ފިލާ ތިބެ ބަޔަކު މަސައްކަތްކުރަމުންދާ ކަމަށާއި އަދި އެކަން ކުރަމުންދަނީ އިންތިޒާރުކުރި ގޯސް ހާލަތަށް ރާއްޖެ ވައްޓާނުލެވުމުން ސިޔާސީ ގޮތުން މާޔޫސްވެގެން ކަމަށެވެ.
ރާއްޖެ ވަކި ޕްރޮގްރާމެއްގައި ބައިވެރިވާކަށް ނުޖެހޭ ކަމަށާއި އިގްތިސޯދީ ހާލަތު އައްނަނީ ކުރީން ލަފާކުރި ވަރަށްވުރެން ވެސް ބާރަށް ރަނގަޅުވަމުން ކަމަށް ސައީދު ވަނީ ވިދާޅުވެފައެވެ.
އެކަމާ ގުޅިގެން ފައްޔާޒު ވިދާޅުވީ ރާއްޖޭގެ އިގްތިސާދީ ހާލަތު ރަނގަޅު ކަމަށާއި އަބަދުވެސް ޗެލެންޗް އޮތީ ސަރުކާރުގެ މާލީ ހާލަތު ކަމަށެވެ. އަދި ބައިލެޓަރަލް ރިލޭޝަންތައް ދަމަހައްޓާ ރައްޔިތުންނަށް ބޮޑު ތަކުލީފަކަށް ނުވާގޮތައް ހައްލުކުރެވެންވާނެ ކަމަށް ފައްޔާޒު ވަނީ ވިދާޅުވެފައެވެ.
ފައްޔާޒު ވިދާޅުވީ އައިއެމްއެފް ގެ ފްރޮގްރާމަކަށް ނުގޮސްވާންވާނެ ކަމަށާއި އެފަދަ ޕްރޮގްރާމަކަށް ދާންޖެހޭނީ ކަންކުރުމުގެ ވައްޓަފާޅިނެއް ނަމައެވެ.
އައިއެމްއެފްގެ ހާއްސަ ވަފުދަކުން ރާއްޖެ ޒިޔާރަތްކުރެއްވުމަށްފަހު ނެރުނު ރިޕޯޓުގައި ވަނީ ރާއްޖޭގެ މާލީ ހާލަތު ރަނގަޅުކޮށް އިގުތިސާދު ހަރުދަނާކުރަން ސަރުކާރުގެ އިދާރާތަކުން އަޅަން ފަށާފައިވާ ފިޔަވަޅުތައް ފާހަގަކޮށް، މަރުހަބާ ކިޔާފައެވެ. އެގޮތުން ރާއްޖޭގެ އިގްތިސޯދު މިހާރު ވެއްޓިފައިވާ ވަޅުގަނޑަކަށް ވެއްޓުމުގެ އަސްލު ކަމަށްވާ ފައިސާ ޗާޕު ކުރުން ހުއްޓާލަން ނިންމާފައިވާ ނިންމުން އެ އިދާރާއިން ވަނީ ފާހަގަކޮށްފައެވެ
ވަލްޑް ގަވަމަންޓްސް ސަމިޓް 2024 ގެ ހަވާސާގެ ތެރެއިން އައިއެމްއެފްގެ މެނޭޖިން ޑިރެކްޓަރު ކްރިސްޓަލީނާ ޖޯޖީވާ، ރައީސް ޑރ. މުހައްމަދު މުއިއްޒުގެ އަރިހަށް ކުރެއްވި އިހްތިރާމުގެ ޒިޔާރަތުގައިވެސް ވަނީ ރައީސް މުއިއްޒު ގެންގުޅުއްވާ ހަރުދަނާ ސިޔާސަތުގެ އަގު ވަޒަންކުރައްވައި ދެމެހެއްޓެނިވި ގޮތެއްގައި އިގްތިސޯދީ ކުރިއެރުމާއި ހަމަޖެހުމަށް މަގު ފަހިކޮށްދެއްވުމަށްޓަކައި ހިކުމަތްތެރިކަމާއި ދުރު ވިސްނުންފުޅާއެކު ސަރުކާރުގެ ހިންގުމަށް އިސްލާހުތައް ގެނައުމަށް ރައީސް ދެއްވާ އަހަންމިއްޔަތު ފާހަގަކުރައްވާފައެވެ.
މުޅިގައުމު ދަރަނިދަންތޫރައެއްގައި ޖައްސާފަ އިގްތިޞޯދޭ ކިޔައިގެން އެބަ އަނގަތަޅައެއްނު؟ އެހެން ބަޔަކުނަމަ ލަދުން ބޯވެސް ދައްކާލަން ނުކެރޭނެ.
އަސްލު އެންމެންވެސް ދަންނަކަމެއް ފައްޔާޒުގެ މުޅިއާއިލާޔަކީވެސް މިގައުމު ފަނާކޮއްލަން މަސައްކަތް ކުރާ އެމްޑީޕީޔާ ބޮޑު ގުޅުމެއް ގެންގުޅޭ އަދި ހަމަ އެއާއިލާގެ ތެރޭގައި އެބަތިބި ދީނުގެ އަދުއްވުން ތަކެއް ކަމައް ބުނާ ބަޔަކުވެސް ޝަހިންދާ ކިޔާ ބޭފުޅެއްގެ ވާހަކަވެސް މީހުން ކިޔާއުޅޭ އެހެންވީމާ އިގުތިސާދީ ގޮތުންވެސް ގައުމީ ފިކުރައްވުރެ ފަނާކުރާ ވިސްނުމުގެ ބަޔެއް ތީ ރަނގަޅުވާނީ އަނގަ މަޑުން ލައިގެން ހުރިއްޔާ މިއޮތީ ރައްޔަތުން ތިއެމްޑީޕީގެ ބަލާ އިން މިގައުމު ސަލާމައް ކުރަން ތިބައިގަނޑައް ނޫނެކޭ ބުނެފާ ހެ ހެ ހެ