މާލެ އަތޮޅު ރިސޯޓަކުން މޫދަށް އެރި އުޅުނު ޒުވާނަކު މަރުވެއްޖެއެވެ.
އެކަން "ދަ ޕްރެސް" އަށް ކަށަވަރުވެފައި ވާއިރު މަރުވެފައި ވަނީ ރ. ހުޅުދުއްފާރު ޒުވާނެކެވެ.
މައުލާމާތު ލިބިފައިވާ ގޮތުގައި އޭނާ ފެނިފައިވަނީ މޫދުގައި އޮޔާ ދަނިކޮށެވެ.
އެކަމާ ގުޅިގެން ފުލުހުން ބުނީ ވެލައްސަރު ރިސޯޓު ކައިރިން ކަނޑުމަތިން މަރުވެފައި އޮތް މީހަކު ފެނިގެން މިއަދު ހެނދުނު 9:11 ހާއިރު ފުލުހުންނަށް ރިޕޯޓު ކޮށްފައިވާ ކަމަށެވެ.
މަރުވެފައި އޮއްވާ ފެނިފައިވަނީ ކ. އަތޮޅު ރިސޯޓެއްގައި މަސައްކަތް ކުރާ އުމުރުން 35 އަހަރުގެ ދިވެހި ފިރިހެނެއްކަން މިހާތަނަށް ބެލިބެލުމުން އެނގިފައިވާ ކަމަށް ފުލުހުން ވަނީ ބުނެފައެވެ.
ފުލުހުން އިތުރަށް ބުނީ އެ މައްސަލަ ފުލުހުން ތަހުގީގު ކުރަމުންދާ ކަމަށެވެ.
