މާލެ ސިޓީގެ މޭޔަރު ކަމަށް އިންތިހާބުވެވަޑައިގެން އާދަމް އާޒިމް ކައުންސިލްގެ އިސް ފަރާތްތަކާ ބައްދަލު ކުރައްވައިފިއެވެ.
ނިމިދިޔަ ރިޔާސީ އިންތިހާޞޫޣައި ވާދަކުރެއްވި ކުރީގެ މާލެ ސިޓީގެ މޭޔަރު ރައީސް ކަމަށް ހޮވިވަޑައިގަތުމުން މާލޭގެ މޭޔަރުގެ ގޮނޑި ވަނީ ހުސްވެފައެވެ. މޭޔަރު ހޮވުމަށް މިދިޔަ ހޮނިހިރު ދުވަހު ބޭއްވި ބައި އިލެކްޝަންގައި ވާދަކުރެއްވި ކެންޑިޑޭޓުންގެ ތެރެއިން އެންމެ ގިނަ ވޯޓު ލިބިވަޑައިގެން އެ އިންތިހާބު ކާމިޔާބު ކުރައްވާފައިވަނީ އެމްޑީޕީން ކުރިމަތި ލެއްވި ކެންޑިޑޭޓް އާދަމް އާޒިމް އެވެ.
އިންތިހާޞީ މޭޔަރުގެ ގޮތުން މިއަދު އާޒިމް ވަނީ ކައުންސިލްގެ މެނޭޖްމަންތްގެ އިސް ފަރާތްތަކާ ބައްދަލުކުރައްވާފައެވެ. އެގޮތުން އެ ބައްދަލުވުމުގައި ވަނީ މިހާރު ކުރިއަށްދާ މަސައްކަތްތަކާ ބެހޭގޮތުން މަޝްވަރާކުރައްވާފައެވެ. އަދި އާޒިމް ވަނީ ކައުންސިލް ހިންގުމާ ގުޅުން ހުރި މުހިންމު ކަންކަމަށް ހައްލު ހޯއްދަވައި ދެއްވާފައި ކަމަށް މާލެ ސިޓީ ކައުންސިލުން ބުނެއެވެ.
ނިމި ދިޔަ ބައި އިލެކްޝަންގައި 2،590 ވޯޓުގެ ތަފާތަކުން ވެރިކަންކުރާ ޕީއެންސީގެ ކެންޑިޑޭޓު އައިޝަތު އާޒިމާ ޝަކޫރު ބަލިކުރައްވައި، މާލޭގެ މޭޔަރުކަން އިދިކޮޅު ޕާތީ އެމްޑީޕީގެ ކެންޑިޑޭޓު އާޒިމް ހޮވިވަޑައިގެންފައިވާ އިރު، އާޒިމް އަކީ ކުރީ ސަރުކާރުގައި އެމްޓީސީސީގެ ސިީއީއޯގެ މާހާމުގައި ހުންނެވި ބޭފުޅާއެވެ.
