ވެލާނާ އިންޓަނޭޝަނަލް އެއާޕޯޓުގެ ތަންތަނަށް ކުޅުޖަހާ، އަޑުގަދަކުރި ފަތުރުވެރިވާ ޕޮލިސްސްޓޭޝަން ތެރޭގައި އުޅޭތީ ތަކުރާރުކޮށް ނަސޭހަތް ދީފައިވާ ކަމަށް ފުލުހުން ބުނެފިއެވެ.
އެއާޕޯޓުގައި ތަންތަނަށް ކުޅުޖަހާ، އަޑުގަދަކުރާތީ އެ ފަތުރުވެރިވާ ފުލުހުންގެ ބެލުމުގެ ދަށަށް ގެނައީ މިމަހު 19 ވަނަ ދުވަހުއެވެ. އަދި އެމީހާ އިމިގްރޭޝަނާ އެދުވަހު ހަވާލުކޮށްފައިވާ ކަމަށް ފުލުހުން ވަނީ ބުނެފައެވެ.
ނަމަވެސް އެމީހާ ޕްލިސް ސްޓޭޝަން ތެރޭގައި އުޅުނު މަންޒަރު ފެންނަ ފޮޓޯތައް ވަނީ އާންމުވެފައެވެ. އެ ފޮތޯތަކުން ފެންނަ ގޮތުގައި ސްޓޭޝަން ތެރޭގައި އިން ބެންޗެއްގައި އޮށޯވެ އޮތް މަންޒަރުވެސް ފެނިގެންދެއެވެ.
އެކަމާ ގުޅިގެން ފުލުހުން ބުނީ، އެމީހާ އެއީ ފުލުހުންގެ ބަންދުގައި ނުވަތަ ބެލުމުގެ ދަށުގައި ހުރި މީހެއް ނޫން ކަމަށާއި އެމީހާ އެގޮތަށް ޕޮލިސް ސްޓޭޝަންގައި އުޅޭތީ ތަކުރާރުކޮށް ނަސޭހަތް ދީ އެގޮތަށް ކަންތައް ނުކުރުމަށް އެދިފައިވާނެ ކަމަށެވެ.
އެކަމާ ގުޅިގެން އިމިގްރޭޝަންގެ ބަހެއް އަދި ނުލިބެއެވެ.
މައުލޫމާތު ލިބިފައިވާ ގޮތުގައި އެއާޕޯޓުގައި އެ މީހާ އެ ފަދަ ގޮތަކަށް އަމަލުކޮށްފައި ވަނީ ވިސާގެ މައްސަލައެއް ޖެހިގެނެވެ. އަދި އެ މީހާ ފުރޭނެ ގޮތް ޗައިނާ އެމްބަސީއިން ވެސް ހަމަޖައްސައިދިން ކަމަށް މައުލޫމާތުތައް ލިބެއެވެ.
ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަނީ އެ ފަތުރުވެރިޔާގެ އަތުގައި ބިޑިއަޅުވައިގެން ފުލުހުން އެ މީހާ ގެންދަނިކޮށެވެ.
ޕޮލިހުންނާއި އިމިގުރޭޝަން މީހުނަށް ނުކިޔަމަންތެރި މީހާ ވަގުތުން ބޭރު ނުކުރެވުނީ ކީއްވެ