ހޮޓެލް ޖެން ހުންނަ ސަރަހައްދު އާންމުންނަށް ނުވަދެވޭގޮތަށް މިއަދު ބަންދުކުރުމަށް ހަމަޖެހިފައިވާކަމަށް ފުލުހުން ބުނެފިއެވެ.
ހިނގާމީހުންނާއި އެއްގަމު އުޅަނދުފަހަރަށް ބަންދުކުރެވޭ ސަރަހައްދަކަށް ފުލުހުން ފާހަގަކޮށްފައިވަނީ އަމީރު އަހްމަދު މަގުގެ ބަޔަކާއި، ލޮޓަސް ގޯޅީގެ އިތުރުން ހޮޓެލް ޖެންއާއި އިންވެގެން ހުރި ގޯޅިތަކެވެ.
ފުލުހުން ބުނީ، އެ ސަރަހައްދު ބަންދުކުރުމަށް ހަމަޖެހިފައިވަނީ މިއަދުގެ ހަވީރު 6 އިން ރޭގަނޑު 11 ޖެހުމާ ހަމައަށް ކަމަށެވެ.
ފުލުހުން އާންމުކުރި ޗާޓުން ފެންނަ ގޮތުގައި ފުލުހުން މާކުކޮށްފައި ހުރި ސަރަހައްދުގެ ބައެއް މަގުތައް ޕާކިން އަށް ހުސްކުރުމަށް ވެސް ވަނީ ހަމަޖެހިފައެވެ.
މި މަގުތައް ބަންދުކުރަނީ ކޮންކަމަކާ ގުޅިގެން ކަމެއް ފުލުހުން ހާމަކޮށްފައެއް ނުވެއެވެ.
މީގެ ކުރިން އެކި ބޭނުންތައް މާލެ ސަރަހައްދުގެ ބައެއް މަގުތައް އަންނަނީ ބަންދުކުރަމުންނެވެ.
