މާލޭގެ ބޯހިޔާވަހިކަމަށް އޮތް ދަތިކަމަށް ހައްލު ހޯދައި ދިނުމަށް މި ސަރުކާރުން ހުޅުވާލި ގެދޮރުވެރިން ސްކީމްގެ ދަށުން ފްލެޓް ލިބޭ ފަރާތްތަކުގެ ދާއިމީ ލިސްޓު އަންނަ ހަފްތާގައި އިއުލާނު ކުރާނެ ކަމަށް ހައުސިން މިނިސްޓްރީއިން ބުނެފިއެވެ.
ހައުސިން މިނިސްޓްރީއިން ބުނީ އަންނަ ހަފްތާގައި ފްލެޓް ލިބޭ ފަރާތްތަކުގެ ދާއިމީ ލިސްޓު ނެރުމަށް މަސައްކަތް ކުރަމުންދާ ކަމަށެވެ. އަދި ދާއިމީ ލިސްޓު އާންމު ކުރާނެ ސީދާ ދުވަހެއް އަދި ނޭނގޭ ކަމަށެވެ.
ގެދޮރުވެރިޔާ ސްކީމުގެ ވަގުތީ ލިސްޓާއި ގުޅިގެން ހުށަހެޅި ޝަކުވާތަށް އެ މިނިސްޓްރީއިން ބަލަމުން ގެންދާ ކަމަށާއި ޝަކުވާ ބެލުމަށްފަހު ސްޓޭޓަސްއަށް އައި ބަދަލް މިހާރު ޕޯޓަލްއިން ފެންނަން ހުންނާނެ ކަމަށް ވެސް ހައުސިން މިނިސްޓްރީއިން ބުނެއެވެ.
މިދިޔަ މަހުގެ 8 ވަނަ ދުވަހު ވަގުތީ ލިސްޓް އާންމުކޮށް، ހައުސިން މިނިސްޓްރީއިން ބުނެފައި ވަނީ ޝަރުތުހަމަވާ ހުރިހާ ފަރާތްތަކަށް ފެލްޓްދޭނެ ކަމަށެވެ.
ދާއިމީ ލިސްޓް އިއުލާނުކުރުމުގެ ކުރިން ވަގުތީ ލިސްޓްގައި ޝަރުތުހަމަވާކަމަށް ކަނޑައަޅާފައިވާ ފަރާތްތަކުން ހުށަހަޅާފައިވާ ފޯމުގައި ދީފައިފައިވާ ދިރިއުޅުމުގެ ހާލަތާއިގުޅޭ މައުލޫމާތުގެ ސައްހަކަން ކަށަވަރުކުރުމުގެ މަސައްކަތް މިހާރު ހައުސިން މިނިސްޓްރީއިން ދަނީ ކުރަމުންނެވެ. އަދި ފޯމުގައި ހުށަހަޅާފައިވާ މައުލޫމާތުގެ ސައްހަކަން ކަށަވަރުނުކުރެވޭ ފަރާތްތަކުގެ ފޯމު "ގެދޮރުވެރިން ޕޯޓަލް" އަށް ފޯމު ހުށަހެޅިއިރުވެފައިވާ އިގްރާރުގައިވާ ގޮތުގެ މަތިން އަމަލު ކުރާނެ ކަމް ހައުސިން މިނިސްޓްރީއިން ވަނީ ބުނެފައެވެ.
މާލެއަށް ދިމާވެފައިވާ ބޯހިޔާވަހިކަމުގެ މައްސަލަ ހައްލުކުރުމުގެ ގޮތުން ސަރުކާރުން ހުޅުވާލި ގެދޮރުވެރިޔާ ސްކީމަށް 20،697 މީހުން ކުރިމަތިލާފައިވެއެވެ. އޭގެ ތެރޭގައި ހިމެނެނީ ތިން ކޮޓަރީގެ ފްލެޓްތަކަށް ކުރިމަތިލީ 14،489 ފަރާތަކާއި، ދެ ކޮޓަރީގެ ފްލެޓްތަކަށް ކުރިމަތިލީ 6،208 ފަރާތެކެވެ.
ކުޅޭނެ އެއްވެސް ރަނގައެއް ނެތިގެން ހުކުން އަޅަނީ. ރައްޔިތުން އަނބުރާލެވޭތޯ ދަނީ ހަމަ މަރުކަށި ކަނޑަމުން. ދިވެހިރައްޔިތުން ޞޯލިޙުގެ ގުއިރޯނުގައި ނުޖެހި ސާބިތުވެ ތިއްބަވާތި……!!!