ހުޅުމާލޭގައި ތަރައްގީކޮށްފައިވާ ރަށު މާރުކޭޓުން 12 ގޮޅި ކުއްޔަށް ދޫކުރަން އިއުލާންކޮށްފިއެވެ.
ރަށުމާރުކޭޓުން ގޮޅިއަށް އެދި ފޯމު ހުށަހެޅުމުގެ ފުރުސަތު ހުޅުވާލާފައި ވަނީ މާދަމާ ހެނދުނު 9:00 އިން 11:00 އަށެވެ. ފޯމުތައް ބަލައިގަންނަން ހާއްސަ ޑެސްކެއް ރެހެންދި ސްކޫލް ހޯލުގައި އެޗްޑީސީން ބަހައްޓާނެ ކަމަށް އެޗްޑީސީން ބުނެއެވެ.
އެޗްޑީސީން ބުނީ، ގޮޅިއަށް އެދި ފޯމު ހުށަހަޅާއިރު، ފޯމާއެކު ދިވެހިރައްޔިތެއްކަން އަންގައިދޭ ކާޑުގެ ކޮޕީ ހުށަހަޅަންޖެހޭނެ ކަމަށެވެ.
ފޯމު ހުށަހަޅާ މީހުންގެ ތެރެއިން ގޮޅިތައް ދޫކުރާނީ ގުރުއަތުން ހޮވޭ މީހުންނަށެވެ.
އެޗްޑީސީން ބުނީ، ހެނދުނު 11:30 ގައި ގުރުއަތު ނެގުން އޮންނާނެ ކަމަށެވެ.
ހުޅުމާލޭގައި ތަރައްގީކޮށްފައިވާ ގޮޅިތައް ކުއްޔަށް ދޫކުރަން އެޗްޑީސީން ނިންމާފައިވަނީ މަހަކު 3500 ރުފިޔާއަށް 3 މަސްދުވަހުގެ މުއްދަތަކަށެވެ.
