"ކިޑްސް ފަން ޑޭ"ގެ ނަމުގައި އެޗްޑީސީއިން ކުޑަކުދިންގެ ހަވީރެއް ބާއްވައިފިއެވެ.
އެޗްޑީސީއިން އެ ހަރާކާތް ކުރިއަށް ގެންގޮސްފައި ވަނީ މޯލްޑިވްސް ޕޮލިސް ސާވިސް އާއި ރޭސިން އެސޯސިއޭޝަން އޮފް މޯލްޑިވްސް އާ ގުޅިގެންނެވެ. އެ ހަރަކާތް ކުރިއަށް ގެންގޮސްފައި ވަނީ މިއަދު ހަވީރު 4:30 އިން 5:45 އަށް ހުޅުމާލެ ސެންޓްރަލް ޕާކުގައެވެ.
މިއަދުގެ އެ ހަރާތުގައި ގިނަ އަދަދެއްގެ ކުޑަކުދިން ބައިވެރިވި އިރު ތަފާތު ކުޅިވަރުތައް ވަނީ ކުރިއަށް ގެންގޮސްފައެވެ.
މިއަދުގެ އެ ހަރާކާތުގެ ޕޮޓޯ ހިއްސާކޮށް އެޗްޑީސީއިން ބުނީ މިއަދުގެ ހަރާކާތުގައި ބައިވެރިވި ހުރިހާ ކުދިންނަށްވެސް ހިނިތުންވުމާއި އުފާވެރިކަން ލިބިގެން ދިޔަ ކަމަށް އުންމީދު ކުރާ ކަމަށެވެ.
މިއަދު ސެންޓްރަލް ޕާކުގައި ކުޑަކުދިންގެ ހަވީރެއް ބާއްވާފައި ވާއިރު ހުޅުމާލޭގައި ހެދި އެންމެ ބޮޑު ވޯޓާ ފައުންޓައިން މިރޭ ސެންޓްރަލް ޕާކުގައި ހުޅުވުން ކުރިއަށް އެބަދެއެވެ. ހިތްގަމު ކުލަތަކާއެކު ތަފާތު އެކި ޑިޒައިންތަކަށް ފެންއަރާގޮތަށް ފަރުމާ ކޮށްފައިވާ މި ފައުންޓެއިން ބަލާލަން ގިނަ އަދަދެއްގެ ބަޔަކު މިހާރުވެސް އެސަރަހައްދަށް ވަނީ އެއްވެފައެވެ.
މިދިޔަ އޮގަސްޓް މަހުގެ ތެރޭގައި އެޗްޑީސީއިން ވަނީ "މަގޭ ވެށި މަގޭ ހިއްސާ" ގެ ނަމުގައި ގަސްއިންދުމުގެ ޕްރޮގްރާމްއެއް ވެސް ކުރިއަށް ގެންގޮސްފައެވެ. އެ ޕްރޮގްރާމްގައި ޕްރީ ސްކޫލްތަކުގެ ގިނަ އަދަދެއްގެ ދަރިވަރުން ވަނީ ބައިވެރިކޮށްފައެވެ.
