ވޮލީ ކުޅެން ބޭނުންވާ ކުދިންނަށް އަމާޒުކޮށްގެން އެވްޑީސީން ބޭއްވުމަށް ހަމަޖެހިފައިވާ "މައި ހުޅުމާލެ ވޮލީ ބޯލް ކޭމްޕް 2021" ގައި ބައިވެރިވުމުގެ ފުރުސަތު ހުޅުވާލައިފިއެވެ.
އެޗްޑީސީން ބުނީ މި ކޭންޕުގެ މަގުސަދަކީ ހުޅުމާލޭގައި ދިރި އުޅޭ ދެ ޖިންސުގެ ކުދިންނަށް އަމާޒުކޮށްގެން ވޮލީ ބޯލް ބޭސިކް ސްކިލްސް ދަސްކޮށްދިނުމާއި ކުދިންގެ މެދުގައި ވޮލީ ބޯޅައަށް އޮންނަ ޝައުގުވެރިކަން އިތުރުކުރުން ކަމަށެވެ.
މި ކޭމްޕް ކުރިއަށް ގެންދިއުމަށް ހަމަޖެހިފައިވަނީ 12 އަހަރާއި 15 އަހަރާ ދެމެދުގެ އުމުރު ފުރައިގެ ކުދިންގެ ތެރެއިން ފުރަތަމަ ފޯމް ހުށަހަޅާ 40 ފިރިހެން އަދި 40 އަންހެން ކުދިންނާއެކު ޖުމްލަ 80 ކުދިން ހިމަނައިގެން ކަމަށް އެޗްޑީސީން ބުނެއެވެ. އަދި މި ކޭމްޕް ކުރިއަށް ގެންދިއުމަށް ހަމަޖެހިފާވަނީ ވޮލީ ބޯލް ފެސްޓިވަލެއްގެ ގޮތުގައި ނޮވެމްބަރު 11، 2011 އިން ފެށިގެން ނޮވެމްބަރު 18، 2021 ގެ ނިޔަލަށް ކަމަށް ވެސް އެޗްޑީސީން ބުނެއެވެ.
އެޗްޑީސީން ބުނީ "މައިހުޅުމާލެ ވޮލީ ބޯލް ކޭމްޕް 2021" ނިންމާލެވޭނީ ބައިވެރިވާ ކުދިންގެ މެދުގައި 1 ދުވަހުގެ މުބާރާތެއް ބޭއްވުމާ އެކު ކަމަށެވެ.
"މައިހުޅުމާލެ ވޮލީ ބޯލް ކޭމްޕް 2021" ގައި ބައިވެރިވުމަށް އެދި ހުށަހަޅާ ފޯމު ބަލައިގަތުމަށް ހަމަޖެހިފާވަނީ އެޗްޑީސީ ރިސެޕްޝަނުން އަދި އޮންލައިންކޮށް ގޫގްލް ލިންކް މެދުވެރިކޮށް ކަމަށް އެޗްޑީސީން ބުނެއެވެ.
އެޗްޑީސީން ވަނީ ކޭމްޕުގައި ބައިވެރިވުމަށް ޝައުގުވެރިވާ ކުދިން ނޮވެމްބަރު 7، 2021 ވާ އާދީއްތަ ދުވަހުގެ 03:00 ގެ ކުރިން ފޯމު ހުށައެޅުމަށް އެދިފައެވެ.
