ހުޅުމާލޭގެ މަގުތަކުން މި މަހުގެ މިހާތަނަށް އެކަނިވެސް 120 ޓަނަށް ވުރެ ގިނަ ކުނި އެޗްޑީސީން ނަގައިފިއެވެ.
ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) އިން މިއަދު ބުނީ މި މަހުގެ މިހާތަނަށް އައިއިރު ހުޅުމާލޭގެ މަގުތަކުން 120 ޓަނުގެ ކުނި ނަގާފައިވާ ކަމަށެވެ.
އެކުންފުނިން އިތުރަށް ބުނީ އެމީހަކު ދިރިއުޅޭ ސަރަހައްދެއް ސާފުތާހިރުކަން މަތީ ބެހެއްޓުމަށް ހުޅުމާލޭގައި ދިރިއުޅޭ އާއްމުންގެ ފަރާތުން އިލްތިމާސް ކޮށްފައެވެ.
އެޗްޑީސީ އިން އަންނަނީ ހުޅުމާލެ އަކީ ސާފު ތަނެއްގެ ގޮތުގައި ހެދުމަށްޓަކައި ގިނަ މަސައްކަތްތަކެއް ކުރަމުންނެވެ. އެގޮތުން މިދިޔަ އަހަރު އެ ކުންފުނިން އިސް ނަގައިގެން ވަނީ "ސާފު ހުޅުމާލެ" އެ ނަމުގައި ކެމްޕޭނެއް ވެސް ކުރިޔަށް ގެންގޮސްފައެވެ.
ހުޅުމާލޭގެ ވެށި ސާފުކޮށް ބޭއްވުމަށް ބާރުއަޅާ، ހުޅުމާލޭގައި ކުނި ގިނަވެފައިވާ ސަރަހައްދުތައް ދެނެގަނެ އެ ތަންތަން ސާފުކުރުމުގެ އިތުރުން ހުޅުމާލޭގެ ރައްޔިތުންގެ މެދުގައި ތިމާވެށި ސާފުކުރުމުގެ ލޯބި އާލަކުރުމަށާއި އަހުލުވެރި ކުރުމަށް ހިންގާ ހަރަކާތެއް ކަމަށް ވެސް އެޗްޑީސީއިން މީގެ ކުރިން ވަނީ ބުނެފައެވެ.
އެ ޕްރޮގްރާމަކީ ސިލްސާކޮށް ކުރިޔަށް ގެންދާނެ ޕްރޮގްރާމެކެވެ.
