ހިތްގައިމު އެތައް މަންޒަރުތަކެއް ފެންނަ ހއ. ކޭލާގެ ބޮޑު މަގުގައި ޣުފްރާން މިސްކިތުގެ ގޯތިތެރޭގައި ހުންނަ ރީނދޫ މާ އަޅާ ބިޔަ ގަހަކީ އެތައް ބަޔަކަށް ހިތްހަމަޖެހުން ގެނެސްދޭ ގަހެކެވެ. އެ ގަހަކީ ރާއްޖެއިން އާންމުކޮށް ނުފެންނަ ގަހެއް ކަމުގައި ވިޔަސް އެއީ އަވައްޓެރި ގިނަ ގައުމުތަކުން ފެންނަ ގަހެކެވެ.
ބައެއް މީހުން މިއީ "ލެބާނަމް" ގަހެއް ކަަމަށް ބުނާއިރު އަނެއް ބަޔަކު ބުނަނީ އެއީ "ކޭސިއާ ފިސްޓޫލާ" ކަމަށެވެ. އަސްލު ކެލާގައި ހުންނަތާ 34 އަހަރުވެފައިވާ މި ގަހަށް ކިޔާ ނަމަކީ "ކޭސިއާ ފިސްޓޫލާ" އެވެ. އެއީ ލެބަނަމް ގަހުގެ ވައްތަރެކެވެ. މި ވައްތަރައް ކިޔާ އުޅޭ އަނެއް ނަމަކީ "އިންޑިއަން ލެބަނަމް" ނުވަތަ "ގޯލްޑަން ޝަވާ" އެވެ.
އެ ދުވަސް ވަރު އެ ރަށުގައި ކަތީބުކަން ކުރެއްވި ނިޒާރު މުހައްމަދު ވިދާޅުވީ، އެ ގަސް އިންދީ އޭނާ ކާތީބުކަމުގައި ހުންނެވި ދުވަސްވަރު ކަމަށެވެ. އެރަށުގައި ހުންނާނީ އޭގެ އެންމެ ގަހެއް ކަމަށާއި އެއީ ވަރަށް ރީތި މަލެއް އަޅާ ގަހެއް ކަމަށް އޭނާ ވިދާޅުވިއެވެ. އެ ގަހުގައި މާ އަޅާނީ އެކި ދުވަސްވަރު ކަމަށް އޭނާ ވިދާޅުވިއެވެ.
ގަހުގައި މާ އަޅާ ދުވަސްވަރު ހުރިހާ ފަތެއްހެން ފައިބެ ހުސްވާނެ ކަމަށާއި މުޅިގަސް އޮންނާނީ ރީނދޫ މަލުން ފުރާލާފައި ކަމަށް ނިޒާރު ވިދާޅުވިއެވެ. އަދި މާތައް ފައިބެ ހުސްވާ އިރު އަނެއްކާވެސް ގަހުގެ އޮފިތަކުން ފަތްތައް ނުކުމެ މުޅިގަސް ފެހިވާ ކަމަށް އޭނާ ބުނެއެވެ.
އެރަށު މީހުން ބުނާ ގޮތުގައި އެއީ އެރަށަށް ޒިޔާރަތްކުރާ ފަތުރުވެރިންނަށް ވެސް ވަރަށް ކަމުދާ ގަހެކެވެ. ބޮޑު މަގުގައި ހުންނަ މި ގަހުގެ ރީތި ކަމުން އެ ރަށުގެ އެންމެންނަށް ވެސް އުފާވެރިކަމާއި ހިތްހަމަޖެހުން ލިއްބައިދޭ ކަމަށް އެ ރަށު މީހުން ބުނެއެވެ.
ކޭސިއާ ފިސްޓޫލާ ގަހަކީ ތައިލެންޑްގެ ގައުމީ ގަހެވެ. އަދި އެގަހުގައި އަޅާ ފަސް ފިޔައިގެ ރީނދޫ މަލަކީ ތައިލެންޑްގެ ގައުމީ މާ ވެސް މެއެވެ. ހަމައެއާއެކު މި ގަހަކީ އިންޑިއާގެ ކެރެލާ ސްޓޭޓްގެ ރަމްޒީ މަލެކެވެ. މީގެ އިތުރުން ސްރީލަންކާގެ ނޯތް ސެންޓްރަލް ޕްރޮވިންސް ރަމްޒުކޮށްދޭ މާ ވެސް މެއެވެ.
ސައުތް އޭސީއާގެ ގިނަ ގައުމުތަކެއްގައި މިގަސް ހައްދާފައި ހުންނަތަން ފެނެއެވެ. އެ ގޮތުން އިންޑިއާ އާއި، ސްރީލަންކާއާއި ޕާކިސްތާނުގެ އިތުރުން ތައިލޭންޑް އަދި މިޔަންމާ ހިމެނެއެވެ. އަދި މި ގަހަކީ ހަކީމީ ބޭހަށް ބޭނުން ކުރާ ގަހެކެވެ. ހަމައެއާއެކު އެ ގަހުން ނަގާ ލަކުޑިއަކީ ވެސް ތަންތަން ހެދުމަށް މި ގައުމުތަކުގައި ބޭނުންކުރާ އެއްޗެކެވެ. އެގޮތުން ސްރީލަންކާގައި ""އެހެލަ ކަނުވާ" އިމާރާތް ކޮށްފައި ވަނީ މި ގަހުގެ ލަކުޑިންނެވެ. އެއީ ލަންކާގެ އެޑަމްސް ޕީކްގައި އޮންނަ ތަނެކެވެ.
އދ.އޮމަދޫ ސުކޫލުގައިވެސް ހުރޭ
ތިޔައިގެ ގަސް އެބަހުރި މިރަށުވެސް
ތިގަސް ފެނިފަ އެމް.ޑީ.ޕީ ކުދިންކޮޅު މޮޔަވާނެ. އަޅެ ނެއްތަ ތި ގޮތައް ހެދޭ ޕިންކު ގަހެއް. ޕީ.ޕީ.އެމް ކުދިން ކޮޅު މޮޔަކޮއްލަން. ނެ ތިއްޔާ އަވަހާ ހައްދަން އުޅެބަލަ
މީގެ ގަސް މާލޭގަ އެބަހުރި ބައިވަރު. އޯކިޑު މަގުގަވެސް ހުރޭގަހެއް
ގަހެއް ނޫނޭ މާއަޅާ ވަރޭ މުހިންމީ
ބައެއް ރަށްރަށުގަ އެބަހުރި މޭބިސް ކަދުދު ހައްދާފަ ތިން ހަތަރު ކޯނި މޭބިސްކަދުރު ވެސް އަޅާ.ޚަބަރެއް ހަދާލަދީ ހެޔޮނުވާނެ. ގެއެއްގަ އެބަ ގެންގުޅޭ ފިޔޮކެއްވެސް ޚަބަރެއް ހަދާލަދީ.
އުދުހޭ ކޮބާ ހާދަ ސިކުނޑި ޅަ އޭ ދޯ. މި ކަހަލަ ރީތި ގަސްތައް ަހއްދާބަލަ ތިޔަ ރަށުގައިވެސް. ޗާލު ވާނެ. ގިނަ ގެސްޓުން ލައިކް ވާނޭ