ޕާކިސްތާނުގެ ޖާސޫސީ ހިދުމަތްތަކާ ބެހޭ ގޮފި (އައިއެސްއައި) އިން، މިޔަންމާގައި ޓެރަރިސްޓް ޖަމާއަތުގެ މެމްބަރުންތަކެއް ތަމްރީނު ކުރަމުން ދާ ކަމަށާ، އެ ގައުމުން މިކަން ކުރަނީ ސަރަހައްދީ އިން ހުރަސް ޓެރަރިޒަމްގެ ޖަރީމާ ހިންގައިގެން ސަރަހައްދީ ގައުމުތަކުގެ ހަމަޖެހުން ނަގާލަން ކަމަށް ބުނާ ތުހުމަތުތަކެއް ފެންމަތިވެއްޖެއެވެ.
މިޔަންމާގައި ދިރިއުޅެމުންދާ ރޯހިންޏާ ދަރިކޮޅަށް ނިސްބަތްވާ ޖަމާއަތުލް މުޖާހިދީން ބަންގްލަދޭޝް (ޖޭއެމްބީ) ގެ 40 ހަނގުރާމަވެރިއަކަށް އައިއެސްއައިން މިޔަންމާގައި ތަމްރީނު ދޭމުންދާ ދިއުމުގެ ފުރުސަތު އެބަ އޮތް ކަމަށް، ބްރަސަލްސްގައި ހިންގާ ސައުތް އޭޝިއާ ޑިމޮކްރަޓިކް ފޯރަމްގެ އެނަލިސްޓް ސީޖްފްރައިޑް އޯ ވުލްފާ ހަވާލާ ދީ، އިންޑިއާ މީޑިއާއިން ވަނީ ރިޕޯޓްކޮށްފައެވެ.
ސަރަހައްދީ އިން ހުރަސްކޮށް ޓެރަރިޒަމްގެ ޖަރީމާ ހިންގުމަކީ ޕާކިސްތާނަށް އެޑްވާންޓޭޖު އޮތް ކަމެއް ކަމަށް ތަޖުރިބާކާރު ވަނީ ސިފަކުރައްވާފައެވެ. ކަން މިހެން އޮތް އިރު، މިއީ ޓެރަރިޒަމަށް ހިތްވަރުދީ، އަވަށްޓެރިންގެ ގޮތުގައި އޮތް އަފްގާނިސްތާނާ އިންޑިއާ ފަދަ ގައުމުތަކަށް ހަމަލާ ދިނުމަށް ޕާކިސްތާނުން އަމަލުތަކެއް ހިންގާ ކަމަށް ޒަމާނުއްސުރެ ކުރަމުން އަންނަ ތުހުމަތުތަކަށް ބާރުދޭ ކަމެއްގެ ގޮތުގައިވެސް ވަނީ ސިފަކުރަން ފަށާފައެވެ.
އައިއެސްއައި އިން ތަމްރީނު ކުރަމުންދާ ކަމަށް ތުހުމަތު ކުރާ ޖޭއެމްބީ އަކީ، 2016 ވަނަ އަހަރު، ބަންގްލަދޭޝްގެ ޑާކާގެ ކެފޭއަކަށް ވަރުގަދަ ހަމަލާއެއް ދީ، 22 މީހުންގެ ފުރާނަ ދުއްވާލި އަމަލުގެ ފަހަތުގައި އޮތް ޖަމާއަތެވެ. މިއާއެކު، ބަންގްލަދޭޝްގައި ރެފިއުޖީންގެ ގޮތުގައި ރޯހިންނާ ދަރިކޮޅުގެ މީހުން ދިރިއުޅެމުންދާ ކޮކްސް ބާޒާރު ސަރަހައްދު ވެފައިވަނީ ޓެރަރިސްޓް ގުރޫޕުތަކުގެ އަމާޒަކަށް ކަމަށް ޚަބަރު ލިބެއެވެ.
ބަންގްލަދޭޝްގެ ސަލާމަތާ ބެހޭ ތަޖުރިބާކާރެއް ކަމަށްވާ ޢަބްދުއްރާޝިދު ވިދާޅުވާ ގޮތުގައި ހައްދުފަހަނައަޅާފައިވާ ފިކުރުގެ ރޯހިންޏާ ދަރިކޮޅުގެ މީހުންގެ ފަރާތުން ފާއިތުވީ ތަނުގައިވެސް ހަމަލާތަކެއް އަމާޒުވިއެވެ. ނަމަވެސް، އެ ފަދަ ޓެރަރިސްޓް އަމަލުތަކެއް ހިންގުމަށް ބަންގްލަދޭޝް ސަރުކާރުން ފުރުސަތު ދީފައި ނުވާ ކަމަށްވެސް އޭނާ ވިދާޅުވިއެވެ. ބަންގްލަދޭޝްގެ ހާރިޖީ ވަޒީރު ޝަހްރިއާރް އަލާމްވެސް ވަނީ، ރެފިއުޖީ ކޭމްޕުތަކުގައި ހައްދު ފަހަނައަޅާފައިވާ ފިކުރު ޕްރޮމޯޓް ކުރުމަށް ކުރަމުންދާ މަސައްކަތުގައި ކާމިޔާބު ލިބިފައި ނުވާ ކަމަށް ވިދާޅުވެފައެވެ.
މިޔަންމާގެ އަސްކަރީ އޮފިޝަލުން ވިދާޅުވާ ގޮތުގައި އަރަކަން ރޯހިންޏާ ސެލްވޭޝަން އާމީ (އާރްސާ)އިން ވަނީ ބޯޑަރު ސަރަހައްދަށް ޖަމާވެ، އޮޕަރޭޝަންތައް ފަށާފައެވެ. އިންޑިއާއިން ތުހުމަތު ކުރާ ގޮތުގައި އާރްސާގެ މެމްބަރުންނަކީ ރޭގަނޑަށް ހަރަކާތްތެރިވާ، އަދި ދުވާލަށް ފިލާ ބައެކެވެ. އާރްސާގެ ލީޑަރަކީ ޕާކިސްތާނަށް އުފަންވި މީހެއް ކަމަށްވެސް ބުނެއެވެ.
މި ދައުވާތަކާ ތުހުމަތުތަކާ ގުޅިގެން ޕާކިސްތާނުން އަދި ވަކި އެއްޗެއް ބުނެފައެއް ނުވެއެވެ.
