ފުވައްމުލަކު މެޖިސްޓްރޭޓް މުލްހާ އަލީ 2 މަސް ދުވަހަށް ސަސްޕެންޑް ކޮށްފައިވާ ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ބުނެފިއެވެ.
ފުވައްމުލަކު މެޖިސްޓްރޭޓް ކޯޓުގެ މެޖިސްޓްރޭޓް މުލްހާ އަލީއާ މެދު އެ ކޮމިޝަނުން ބަލަމުންދާ މައްސަލަތަކުގެ ބާވަތަކާއި އެ މައްސަލަތަކާ ގުޅޭ ގޮތުން ހުށަހެޅިފައިވާ ހެއްކާއި އެ މައްސަލަަތައް ތަހުގީގު ކުރާ އިރު މުލްހާ މެޖިސްޓްރޭޓްގެ މަގާމުގައި ހުރެއްޖެ ނަމަ ތަހުގީގު ކުރުމަށް ހުރަސް އެޅިގެން ދާނެ ކަމަށެވެ.
އެގޮތުން ޝަރުއީ ދާއިރާގެ އިތުބާރު ހިފެހެއްޓުމުގެ އަސާސްގެ މައްޗަށް ބިނާކޮށް ގާނޫނު ނަންބަރު 10/2010ގެ 5 ވަނަ މާއްދާގެ (ތ) އަި (ލ) އާ ހަވާލާދީ މެޖިސްޓްރޭޓް މުލްހާ ވަގުތީ ގޮތުން 60 ދުވަހަށް ފަނޑިޔާރުކަމުގެ މަސައްކަތުން ދުރުކުރުމަށް ނިންމާފައިވާ ކަމަށް ޖޭއެސްސީން ބުނެއެވެ.
ޖޭއެސްސީން މި ނިންމުން ނިންމީ މި އަހަރު 47 ވަނަ ބައްދަލު ވުމުގައެވެ. އެ ބައްދަލުވުމުގައި އެ ކޮމިޝަންގެ 8 މެންބަރުން ވަނީ ބައިވެރިވެ ވަޑައިގެންފައެވެ.
