މިއަދުގެ ރީތި ތާރީހް (24-12-24)ގައި މާލޭގައި 52 ކައިވެނި ކުރަން ހަމަޖެހިފައިވާ ކަމަށް ފެމިލީ ކޯޓުން ބުނެފިއެވެ.
ފެމެލީ ކޯޓުން ބުނީ އެއީ ރަސްމީ ގަޑީގައި ކުރުމަށް ހަމަޖެހިފައިވާ 16 ކައިވެނި އަދި ނުރަސްމީ ގަޑީގައި ކުރުމަށް ހަމަޖެހިފައިވާ 36 ކައިވެނި ކަމަށެވެ.
މިއަހަރު ދެން އެންމެ ގިނަ މީހުން ކައިވެނި ކޮށްފައި ވަނީ މިދިޔަ އޭޕްރީލް 24 ވަނަ ދުވަހުއެވެ. އެ ދުވަހު 38 ކައިވެނި ކޮށްފައިވެއެވެ.
ފެމެލީ ކޯޓުގެ ތަފާސް ހިސާބުތަކުން ދައްކާ ގޮތުގައި މި އަހަރުގެ ނޮވެމްބަރު މަހުގެ ނިޔަލަށް 2،128 ކައިވެނި އަދި 1،249 ވަރި ފެމެލީ ކޯޓުން ކޮށްދީފައިވެއެވެ.
- ޖަނަވަރީ: 174 ކައިވެނި، 88 ވަރި
- ފެބްރުއަރީ: 211 ކައިވެނި، 131 ވަރި
- މާޗު: 161 ކައިވެނި، 110 ވަރި
- އޭޕްރީލް: 144 ކައިވެނި، 60 ވަރި
- މޭ: 238 ކައިވެނި، 124 ވަރި
- ޖޫން: 195 ކައިވެނި 81 ވަރި
- ޖުލައި: 228 ކައިވެނި، 167 ވަރި
- އޮގަސްޓް: 186 ކައިވެނި 147 ވަރި
- ސެޕްޓެމްބަރު: 194 ކައިވެނި، 98 ވަރި
- އޮކްޓޯބަރު: 205 ކައިވެނި، 148 ވަރި
- ނޮވެންބަރު: 192 ކައިވެނި، 95 ވަރި
ފެމެލީ ކޯޓުގެ ތަފާސް ހިސާބުތަކުން ދައްކާ ގޮތުގައި މިދިޔަ އަހަރު އެ ކޯޓުން ވަނީ 2،425 ކައިވެނި ކޮށްދީފައެވެ. އަދި ރާއްޖެއިން ބޭރުގައި ކޮށްފައިވާ 163 ކައިވެންޏެއް މިދިޔަ އަހަރުގެ ތެރޭގައި އެ ކޯޓުގައި ވަނީ ރަޖިސްޓްރީ ކޮށްދީފައެވެ.
