މީދޫ ދާއިރާގެ ރައްޔިތުންގެ މަޖިލީހުގެ މެންބަރު އަދި މަޝްހޫރު ވިޔަފާރިވެރިޔާ އަހްމަދު ސިޔާމް މުހައްމަދާއި މިދިޔަ ބޮޑު އީދުގައި ބ. ކަމަދޫން މަޝްހޫރުކަން ހޯދި ނެށުންތެރިޔާ އައިމިނަތު ޒާރާގެ ކައިވެނި މާދަމާ އޮންނާނެއެވެ.
ސިޔާމާއި ޒާރާގެ ކައިވެނީގެ ކުރިން ސިޔާމްގެ އޮޅުވެލި ރިސޯޓުގައި ބޭއްވި 'ރަންކިއުމުގެ ދަރުބާރު'ގައި ޒާރާ ވަނީ ސިޔާމަށް އަސަރުގަދަ ލަވައެއް ކިޔައިދީފައެވެ. ޒާރާ ސިޔާމަށް ލަވަ ކިޔައިދޭ ވީޑިއޯއެއް މީސްމީޑިއާގައި މިހާރު ދަނީ ދައުރުވަމުންނެވެ.
އެ ލަވައިގެ ޅެން ބިނާކޮށްފައި ވަނީ ދެ މީހުންގެ ކައިވެންޏާއި ސިޔާމާ މެދު ޒާރާ ދެކޭ ގޮތުގެ މައްޗަށެވެ. އެ ލަވައިގެ ބައެއް މި ހިމަނާލަނީއެވެ:
މި ލަވަޔަކީ އިންޑިއާގެ ކައިވެނީގެ ހަފްލާތަކުގައި މަގްބޫލު ހިންދީ ލަވައެއް ކަމަށްވާ 'ކުޑްމާއީ'ގެ ރާގަށް ކިޔާފައިވާ ލަވައެކެވެ. މިއީ މަޝްހޫރު ޑައިރެކްޓަރު ކަރަން ޖޯހަރުގެ 'ރޮކީ އޯރް ރާނީ ކީ ޕްރޭމް ކަހާނީ' ގައި ހިމަނާފައިވާ ކައިވެނީގެ ލަވައެކެވެ.
މިއަދު އޮތް ރަންކިއުމުގެ ރަސްމިއްޔާތުގައި ޒާރާ ހުރީ ހުދުކުލައިގެ ދިވެހި ލިބާހެއްގައެވެ، އަދި ސިޔާމް ހުންނެވީ ފޭއްޔަކާއި ހުދުކުލައިގެ ގަމީހެއް ތުރުކުރައްވައިގެންނެވެ. ހަމަ އެހެންމެ ދެ ފަރާތުގެ އާއިލާ މެންބަރުން ތިބީ ސަގާފީ ހެދުމުގައެވެ.
ސިޔާމާއި ޒާރާގެ ކައިވެންޏަށް ޒާރާގެ އާއިލާ މިހާރު ތިބީ އޮޅުވެލިފުށި ރިސޯޓުގައެވެ.
ކައިވެންޏަށް ފަހު މާދަމާ އެ ރިސޯޓުގައި ޕާޓީއެއް ބާއްވާނެ ކަމަށްވެއެވެ. އަދި ކަމަދޫގެ ރައްޔިތުންނަށް ވެސް ހާއްސަ ހަފުލާއެއް ވެސް ބާއްވަން ނިންމާފައިވެއެވެ.
ސިޔާމާއި ޒާރާގެ ކައިވެންޏާ ދިމާކޮށް މުށިކުލައިގެ އަހަކާއި ހުދުކުލައިގެ ދެ އަހެއް ގެންގޮސްފައިވެއެވެ.
ސިޔާމް މިވަގުތު އުޅުއްވަނީ މޮރޮކޯގެ ކަނބަލަކާ ކައިވެނި ބައްލަވައިގެންނެވެ.
