ވިނަރެސް ޓަވަރުތަކުން ކާރު ޕާކް ކުރަން ޖާގަތައް ވިއްކުމަށް ކޮށްފައިވާ އިއުލާނު ބާތިލްކޮށް ދިނުމަށް އެދި، ހައުސިން ޑިވެލޮޕްމެންޓު ކޯޕަރޭޝަން (އެޗްޑީސީ) އަށް އިއްޔެ ޕެޓިޝަނެއް ހުށަހަޅައިފިއެވެ.

ވިނަރެސްގައި ދިރިއުޅޭ 400 އަށް ވުރެ ގިނަ މީހުން ސޮއިކޮށް ހުށަހެޅި މި ޕެޓިޝަނުގައިވަނީ ގިނަ ކަންބޮޑުވުންތަކެއް ފާޅުކޮށްފައެވެ. މި ގޮތުން އެޗްޑީސީ އަށް ހުށަހެޅި ޕެޓިޝަނުގައި ފާހަގަކޮށްފައިވާ ކަންތައްތަކުގެ ތެރޭގައި:-

- ވިނަރެސް ޓަވަރުތަކުގެ ވޯކްވޭ އަދި ޑްރައިވްވޭ މިހާރު ވަކިކޮށްފައި ނުވުމުގެ ސަބަބުން ޑްރައިވްވޭ އަށް ވަންނަ ކާރުތަކާއި ޕާކުކުރުމަށް ވަންނަ ކާރުތަކުގެ ސަބަބުން ޑްރައިވްވޭގެ ރައްކާތެރިކަމާއި ގުޅޭގޮތުން މި ޕެޓިޝަނުގައި ކަންބޮޑުވުންފާޅުކޮށްފައެވެ.

- ވިނަރެސް އެޕާޓުމަންޓް ވިއްކިއިރު ޓަވަރު ތަކާއި އެޕާޓުމަންޓްތަކުގެ ލޭންޑް ޔޫސް ޕްލޭންގައި މިހާރު ދިމާވެފައިވާ ބްލޮކޭޖްތަކާއި ޕާކިން ޖާގަތައް ފެންނަން ނެތްކަން ވަނި ފާހަގަކޮށްފައެވެ.

- ކާރު ޕާކިން ސްޓޮޕްތައް މައި ދޮރާއި ދުރުކުރުމަށް މިހާރު ހުރި ޑިޒައިން ބަދަލުކުރުމަށް މި ޕެޓިޝަނުގައިވަނީ ހުށަހަޅާފައެވެ.

- ސްޕީޑް ލިމިޓް ބޯޑުތައް ނެތުމާއި އަދި ބަންޕަރު ނެތުމަކީ ހިނގާ މީހުންނަށް ނުރައްކާތެރިނޫން ކަން ފާހަގަކޮށް އިމާރާތުގެ ޓަވަރުތަކަށް ވަނުމަށް ހިނގާ ފަރާތްތަކަށް ވަކި އިންތިޒާމެއް (ވޯކްވޭ އަދި ޑްރައިވްވޭ ވަކިކުރުން) ކަނޑައަޅައި، ސްޕީޑް ލިމިޓް ބޯޑު ހަރުކޮށް ބަންޕަރު ބެހެއްޓުމަށް ހުށަހަޅާފައިވެއެވެ.

https://thepress.mv/157920

ވިނަރެސް ޓަވަރުތަކުން ކާރު ޕާކު ކުރާނެ ޖާގަ ދޫކުރުމަށް ހައުސިން ޑިވެލޮމްޕެންޓް ކޯޕަރޭޝަންއިން ހުޅުވާލީ މި ދިޔަ މަހުގެ 20 ވަނަ ދުވަހުއެވެ. ކާރު ޕާކިން ޖާގަ ނެގުމަށް ޝައުގުވެރިވާ ފަރާތްތަކުން އިންވެސްޓާ ރަޖިސްޓްރޭޝަން އަދި ޕްރޮޖެކްޓް ރަޖިސްޓްރޭޝަން ހުށަހެޅުމުގެ ފުރުސަތު އަންނަ މަހުގެ 5 ވަނަ ދުވަހުގެ ނިޔަލަށް ވަނީ ހުޅުވާލާފައެވެ.

ހަބަރު ވިނަރެސް