އެމްއެމްޕީއާރުސީ ގެ ހިންގުން އެކުންފުނީގެ ޑެޕިޔުޓީ މެނޭޖިންގް ޑިރެކްޓަރު މުހައްމަދު ބައްސާމު އާދަމް އާ ވަގުތީގޮތުން ހަވާލު ކޮށްފިއެވެ.
އެމްއެމްޕީއާރުސީ ހިންގުން ވަގުތީ ގޮތުން ބައްސާމްއާ ހަވާލުކޮށްފައި ވަނީ އެ ކުންފުނީގެ އެމްޑީގެ މަގާމުގައި ހުންނެވި ފާތިމަތު ތައުފީގު އެ މަގާމުން ވަކި ކުރުމާ ގުޅިގެންނެވެ.
ފާތިމަތު ތައުފީގު އެމްއެމްޕީއާރްސީގެ އެމްޑީގެ މަގާމަށް އައްޔަންކޮށްފައި ވަނީ މިދިޔަ ޑިސެމްބަރު މަހުގެ 17 ވަނަ ދުވަހުއެވެ. އަދި އޭނާ އެ މަގާމުން ވަކިކޮށްފައި ވަނީ އިއްޔެއެވެ.
ފާތިމަތު ތައުފީގު އެމްއެމްޕީއާރުސީގެ މެނޭޖިން ޑިރެކްޓަރުކަމުން ވަކިކޮށްފައިވަނީ އެ ކޯޕަރޭޝަންގެ ޗެއާޕާސަންގެ މަގާމުގައި ހުންނެވި އައިޝާ ނޫރައިން ޖަނާހު، އެ މަގާމުން އިސްތިއުފާދެއްވާފައި ވަނިކޮށެވެ. އެމްއެމްޕީއާރްސީގެ ޗެއާޕާސަންގެ މަގާމަށް ނޫރައިން އައްޔަން ކުރީ ޑިސެމްބަރު 27، 2023 ގައެވެ. އޭނާ އަކީ އެ ކޯޕަރޭޝަންގެ ޗެއާޕާސަންގެ މަގާމަށް އައްޔަން ކުރި ފުރަތަމަ ފަރާތް ވެސް މެއެވެ.
މީގެއިތުރުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޗެއާމަންގެ މަގާމުން އަހްމަދު ޒުހޫރު އަދި މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ)ގެ ސީއީއޯ ޝަމާހު ރަޝީދު މަގާމުން ވެސް ވަނީ މިފަހުން މަގާމުން ވަކިކޮށްފައެވެ.
