މި ހަފްތާގެ ތެރޭގައި ސަރުކާރުގެ ނުވަ ވުޒާރާއަކަށް ވަޒީރުންގެ ނައިބުންގެ ގޮތުގައި އިތުރު މީހުން އައްޔަނުކޮށްފިއެވެ.
ރައީސް އޮފީހުން ބުނީ، ނުވަ ވުޒާރާއެއްގެ ތެރެއިން ކޮންމެ ވުޒާރާއަކަށް ވަޒީރުންގެ ނައިބުން އައްޔަނުކޮށްފައިވާ ކަމަށެވެ. އެގޮތުން ވަޒީރުންގެ ނައިބުންގެ ގޮތުގައި އައްޔަނުކުރެއްވި ބޭފުޅުންނަކީ:
- ފޮރިން މިނިސްޓްރީ: އަލީ ޖަނާހު، ސައުދީ މަންޒިލް / ހއ. ބާރަށް
- ލޯކަލް ގަވަމަންޓް މިނިސްޓްރީ: މުހައްމަދު އާރިފް، ރަތްވިލާގެ / ށ. ކަނޑިތީމު
- ހޯމް މިނިސްޓްރީ: މަރިޔަމް ޝިފާނާ އަލީ ސަލީމް، ހ. މެލްބަން / މާލެ
- ފިނޭންސް މިނިސްޓްރީ: ހަސަން މިރާސް: މއ. މާފުނަ / މާލެ
- އެޑިއުކޭޝަން މިނިސްޓްރީ: އައިމިނަތު މުނާ، ލަކީސްޓާ / ދ. ބަނޑިދޫ
- ޓޫރިޒަމް މިނިސްޓްރީ: އަހްމަދު މާއިސް، ވެލާނާގެ / ނ. ވެލިދޫ
- ހައުސިން މިނިސްޓްރީ: އިބްރާހީމް އަލީމް، ރޯޅި / ގއ. ކޮލަމާފުށި
- އެގްރިކަލްޗާ މިނިސްޓްރީ: ފާތިމަތު ޒުހުރާ، ވ. ފައުނު
- ޔޫތު މިނިސްޓްރީ: އަބްދުﷲ މަހްޒޫމް މާޖިދު، ބަގީޗާގެ / ނ. ކުޑަފަރި
މިދިޔަ ހަފްތާގައި ވެސް އެކި ވުޒާރާތަކަށް ވަޒީރުންގެ ނައިބުންގެ ގޮތުގައި ރައީސް ޑރ. މުހައްމަދު މުއިއްޒު 17 ބޭފުޅަކު އައްޔަނުކުރައްވާފައިވެއެވެ. މި ހަފްތާގައި އައްޔަނުކުރެއްވި ބޭފުޅުންނާ އެކު މި ސަރުކާރުގައި 70 ނައިބު ވަޒީރުން މިހާތަނަށް އެބަ ތިއްބެވެ.
ރައީސް މީގެ ކުރިން ވިދާޅުވި ގޮތުގައި، މި ސަރުކާރުގެ ސިޔާސީ މަގާމުތަކުގެ އަދަދު 700 އަށް ވުރެ އިތުރެއްނުވާނެއެވެ.
