ހުޅުމާލެ ސެންޓްރަލް ޕާކު ކައިރީގައި ކާރަކާއި 3 ސައިކަލު ޖެހި މީހަކު މަރުވި އެކްސިޑެންޓުގައި ކާރު ދުއްވަން އިން މީހާގެ ބަންދުގެ މުއްދަތު އިތުރުކޮށްފިއެވެ.
މި އެކްސިޑެންޓާ ގުޅިގެން ފުލުހުން ބުނީ އެ ކާރު ދުއްވަން އިނީ 30 އަހަރުގެ ދިވެހި ފިރިހެނެއް ކަމަށާއި އެ ރޭ އޭނާ ހައްޔަރު ކޮށްފައި ވާކަމަށެވެ. އަދި އޭނާގެ ބަންދާމެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ހާޒިރު ކުރުމުން 7 ދުވަހުގެ މުއްދަތެއް އެ ކޯޓުން ޖަހާފައިވާ ކަމަށް ފުލުހުން ވަނީ ބުނެފައެވެ.
އޭނާގެ ބަންދުގެ މުއްދަތު އިއްޔެއަށް ހަމަވެފައި ވާއިރު 'ދަ ޕްރެސް' އަށް މައުލޫމާތު ދެމުން ފުލުހުން ބުނީ އޭނާގެ ބަންދަށް އިއްޔެ އިތުރު 7 ދުވަސް ޖަހާފައި ވާކަމަށާ މި މައްސަލަ އިތުރަށް ތަހުގީގު ކުރަމުން އަންނަކަމަށެވެ.
މިިދިޔަ ހަފްތާގެ ހޯމަ ދުވަހުގެ ރޭ 7:40 ހާއިރު ހިނގި އެ އެކްސިޑެންޓުގައި ބޮޑެތި އަނިޔާތަކެއް ލިބި ހާލުދެރަވި ދެމަފިރިންނަށް އޭޑީކޭ ހޮސްޕިޓަލުގައި ފަރުވާދެމުން ދަނިކޮށް ފިރިހެން މީހާ ވަނީ މަރުވެފައެވެ. މި އެކްސިޑެންޓުގައި ފަރުވާދެމުން ދަނިކޮށް އިއްޔެ މަރުވީ ހ. ޒަފޫފު އިސްމާއީލު ވަހީދެވެ.
މި ހާދިސާގައި އަނިޔާވި ސ. ހިތަދޫ ކުރިބޯށިގޭ އައިޝަތު މަނިކުފާނަށް އަދިވެސް އައިސީޔޫގައި ފަރުވާދެމުން އަންނައިރު އޭނާގެ ހާލު ސިރިއަސް ކަމަށް އޭޑީކޭއިން ވަނީ ބުނެފައެވެ.
ތިޔަ އެކްސިޑެންޓްވީ ކާރު ދުއްވަން އިނީ ، އަޅެ ހައިވާނެއް ތަ ނުވަތަ އިންސާނެއް ތަ ؟ މިހެން ބުނަން ޖެހެނީ މޮޓޮކޭޑްގައި އޭނާގެ ނަން ރައްކާކޮށްގެން ގެންގުޅޭތީ.....