ކުރިއަށް އޮތް އިންތިހާބުގައި ވެރިކަން ދިފާއުކުރެއްވުމަށް ނުކުމެވަޑައިގެން ހުންނެވި ރައީސް އިބްރާހީމް މުހައްމަދު ސޯލިހުގެ ކެމްޕެއިންގެ ސްޕޯކްސްޕާސަން އަދި ޑިފެންސް މިނިސްޓަރު މާރިޔާ އަހްމަދު ދީދީ، ވާދަވެރި ބައެއް ކެންޑިޑޭޓުންނަށް ވަރަށް ބޮޑަށް ފާޑުވިދާޅުވެއްޖެއެވެ.
ރައީސްގެ ކެމްޕެއިންގެ ސްޕޯކްސްޕާސަންގެ ހައިސިއްޔަތުން ދެއްވި ފުރަތަމަ ޕްރެސް ބްރީފިންގައި މާރިޔާ ވަނީ ރައީސް ރަށްރަށަށް ވަޑައިގެން ވިދާޅުވި ބައެއް ވާހަކަތައް ތަކުރާރުކުރައްވައިފައެވެ. މާރިޔާ ވިދާޅުވި ގޮތުގައި:
- މިހާތަނަށް ކެމްޕެއިންކުރާ ބަޔަކަށް ފެންނަނީ އެމްޑީޕީ އެކަނި
- އަންނަ މަހު ބާއްވާ އިންތިހާބު އެމްޑީޕީން އެއްބުރުން ކާމިޔާބުކުރާނެ
- ކެމްޕެއިން ކުރިއަށް ދަނީ ވަރަށް ޕޮޒިޓިވްކޮށް
އެއާއެކު، ކެމްޕެއިން ކުރިއަށްދާ ގޮތުގެ ކުޑަ ހުލާސާ އެއް ވެސް އޭނާ ދެއްވިއެވެ. އެގޮތުން މާރިޔާ ފާހަގަކުރެއްވި ގޮތުގައި:
- ގާތްގަނޑަކަށް 187 ރަށެއްގައި އެމްޑީޕީގެ ޓީމުތައް ދަނީ ހަރަކާތްތެރިވަމުން
- 18 އަތޮޅެއްގެ 108 ރަށަކަށް އެ ޓީމުތައް ދަތުރުކޮށްފައިވޭ
- 64 ރަށަކަށް ރައީސް މިހާތަނަށް ވަޑައިގެންފައިވޭ
- ކޯލް ސެންޓަރުތައް ގާއިމްކުރެވި، މާލޭގައި އެކި ގޭގެއަށް އެބަ ދޭ
މި ޕްރެސް ބްރީފިންގައި މާރިޔާ ވަނީ ސީދާ ގޮތެއްގައި ވާދަވެރި ކެންޑިޑޭޓުން ކަމަށްވާ މާލޭގެ މޭޔަރު އަދި އިދިކޮޅު ޕީއެންސީގެ ކެންޑިޑޭޓު ޑރ. މުހައްމަދު މުއިއްޒަށް، އަދި ނުސީދާކޮށް ޖުމްހޫރީ ޕާޓީގެ ފަރާތުން ވާދަކުރައްވާ އެ ޕާޓީގެ ލީޑަރު ގާސިމް އިބްރާހީމަށާއި، ކުރީގެ ރައީސް މުހައްމަދު ނަޝީދަށް ވަރަށް ބޮޑަށް ފާޑުވިދާޅުވެފައެވެ.
މުއިއްޒަށް ފާޑުވިދާޅުވެ، މާރިޔާ ވިދާޅުވީ، އިދިކޮޅުގެ ކެންޑިޑޭޓުކަން ހޯއްދެވުމަށްޓަކައި މުއިއްޒު ކަންތައްތައް ކުރެއްވި ގޮތް ފެނިވަޑައިގެންފައިވާ ކަމަށެވެ. އެގޮތުން މުއިއްޒު އިދިކޮޅު ކޯލިޝަންގެ ކެންޑިޑޭޓުކަން ހޯއްދެވުމަށްޓަކައި މުއިއްޒު، ޕީޕީއެމްގެ ކައުންސިލް، ނުވަތަ 'ސެނެޓު' ބައްލަވައިގެންފައިވާ ކަމަށް މާރިޔާ ތުހުމަތުކުރެއްވިއެވެ.
ގާސިމަށް ބަހުގެ ހަމަލާތައް އަމާޒުކުރައްވައި މާރިޔާ އަލިއަޅުވާލެއްވީ ރައްޔިތުންގެ މަޖިލީހުގެ ހާޒިރީއަށެވެ. މާމިގިލި ދާއިރާގެ މެންބަރުކަން ވެސް ކުރައްވާ ގާސިމް ޖުމްހޫރީ ޕާޓީގެ މެނިފެސްޓޯ އިފްތިތާހުކުރުމަށް ރޭ ބޭއްވި ޖަލްސާގައި ދެއްކެވި ވާހަކައަށް، އަދި ގާސިމްގެ މެނިފެސްޓޯ އަށް ވެސް މާރިޔާ ވަރަށް ބޮޑަށް ފާޑުވިދާޅުވެފައި ވެއެވެ.
ނޫސްވެރިންނަށް ސުވާލުކުރުމަށް ފުރުސަތު ހުޅުވާލެއްވުމުގެ ކުރިން، މާރިޔާ އެންމެ ފަހުން ފާޑުވިދާޅުވީ، އެމްޑީޕީ ދޫކުރައްވައި ދަ ޑިމޮކްރެޓްސް އާ ގުޅިވަޑައިގަތް ކުރީގެ ރައީސް މުހައްމަދު ނަޝީދަށެވެ.
"ދެން އަނެއް ބޭފުޅުން މި ފެންނަނީ ވަރަށް ޑިސްޓްރަކްޓިވް ގޮތެއްގަ، ރޫޅުމާއި ކުށްވެރިން ދޫކުރުމާއި މިކަހަލަ ގޮތަކަށް ވާހަކަފުޅު ބައްޓަންކުރައްވާތަން،" އެމްޑީޕީގެ ރައީސްކަން ވެސް ކުރެއްވި ނަޝީދު، ދާދިފަހުން ދެއްކެވި ބައެއް ވާހަކަފުޅުތަކަށް އިޝާރާތްކުރައްވައި މާރިޔާ ވިދާޅުވިއެވެ.
މާރިޔާ ވިދާޅުވީ، ރައްޔިތުންނަށް ކަންތައްތައް ކޮށްދިނުމުގެ ނިޔަތުގައި ނުކުމެ ތިބީ މިއަދު އެމްޑީޕީ ކަމަށާއި، ރައްޔިތުން އެކަން ދަންނަން ޖެހޭނެ ކަމަށެވެ.
މާރިޔާމެން ލަދުވެސް ނުގަންނަ ކަން ހިތައް އަރާ. މީގެ ކުރިން އަންނި ކިއްޕަތިން ވަސްބަލަމުން ދުވި މީހެއް މިއީ.
މާރިޔާ ދިދީ ރާއްޖޭގަ ނެތް އިނގޭތޯ މޮޔައިންނެއް ރައްޔިތުންނަށް އިންޒާރު ދީގެން ކާމިޔާބު ވާނެ ކަމަކަށް ހީނުކުރާތި ވޯޓްގެ ނަތީޖާއަށް ބަލަން ހުރޭ ބޮޑުތަނުން ލަދު ގަންނަވާލާނެ މިފަހަރު ތިޔަ އެމް ޑީ ޕީ ތިއީ މިހާރު ކުރީގަ އެމް ޑީ ޕީ އެއްނޫން ކޮރަޕްޝަނާއި ވައްކަމުގެ ހާއްޔެއް