ޕީޕީއެމްގެ ނައިބު ރައީސް އަދި މާލެ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު މިއަދު ނޫސްވެރިންނާ ބައްދަލުކުރެއްވުމަށް ދައުވަތު ފޮނުވުމަށް ފަހު، ފަހު ވަގުތު ކެންސަލް ކޮށްފިއެވެ.
އެ ޕްރެސް ކޮންފަރެންސް ބާއްވާ ގޮތަށް އޮތީ މިއަދު މެންދުރު ފަހު 2:30ގައި މުއިއްޒުގެ އަމިއްލަ ގެ، ދިމްޔާތުގައެވެ.
ސިޓީ ކައުންސިލުން ބުނީ، މުއިއްޒުގެ ޕްރެސް ކޮންފަރެންސް ފަހުގެ ތާރީހަކަށް ފަސްކޮށްފައިވާ ކަމަށެވެ. ނަމަވެސް، ޕްރެސް ކޮންފަރެންސް ފަސްކުރި ސަބަބެއް އަދި ދެން ބާއްވާނެ ދުވަހެއް ހާމަކޮށްފައެއް ނުވެއެވެ.
މައުލޫމާތު ލިބިފައިވާ ގޮތުގައި މިއަދު މުއިއްޒު ނޫސްވެރިންނާ ބައްދަލުކުރައްވަނީ ރިޔާސީ އިންތިހާބުގައި ކުރީގެ ރައީސް ޔާމީނަށް ތާއީދުކުރައްވާކަން އާންމުކޮށް އިއުލާންކުރައްވަން އެދިވަޑައިގެން ޔާމީން ފޮނުއްވި ނޯޓަކާ ގުޅިގެންނެވެ.
އަންނަ ރިޔާސީ އިންތިހާބުގައި މުއިއްޒު ވާދަކުރައްވަން އުޅޭ ކަމަށް އަޑުތައް ފެތުރިފައިވާއިރު މިހާތަނަށް މުއިއްޒު އެކަން ކަށަވަރުކޮށް ދެއްވާފައެއް ނުވެއެވެ.
ޕީޕީއެމްއިން އަބަދުވެސް ބުނަމުންދަނީ ރިޔާސީ އިންތިހާބުގައި ރައީސް ޔާމީނަށް ވާދަ ކުރެއްވޭނެ ކަމަށެވެ. ނަމަވެސް 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދެވުއެކު އެމަނިކުފާނަށް އިންތިހާބުގައި ވާދަ ކުރެއްވޭނެ ފުރުސަތު ވަނީ ހަނިވެފައެވެ.
ތިޔައީ ވެރިކަމާއިހެދި ބޫތު ކައިފާ ހުރި މުއިޒެކެވެ. ހަމަ ޔާމީނު ކަހަލަ އަނިޔާވެރި ޚުދުމުހްތާރު މީހެކެވެ. ފައިސާވެސް ޖެހުނު ދިމާލަކުން ކާލާނެއެވެ.