މެލޭޝިއާގައި ހިނގި އެކްސިޑެންޓެއްގައި ދިވެހި އަންހެން ދަރިވަރަކު ނިޔާވެއްޖެއެވެ.
"ދަ ޕްރެސް" އަށް މައުލޫމާތު ލިބިފައިވާ ގޮތުގައި މި އެކްސިޑެންޓުގައި ނިޔާވެފައިވަނީ އައްޑޫ ސިޓީ ހިތަދޫއަށް ނިސްބަތްވާ 21 އަހަރުގެ އިމިލީ ނާޒިމް އެވެ.
މި ދަރިވަރަކީ ޓެއިލާސް ޔުނިވަސިޓީގައި ތައުލީމު ހާސިލުކުރަމުންދާ ދަރިވަރެއްކަމަށް މައުލޫމާތު ލިބެއެވެ.
މި އެކްސިޑެންޓު ހިނގީ ޝޮޕިން މޯލަކަށް ގޮސް އެނބުރި ގެޔަށް ދަނިކޮށްކަމަށް މައުލޫމާތު ލިބިފައިވާއިރު، އެކްސިޑެންޓު ވި މި ކާރުގައި އިތުރު ދިވެއްސެއް ވެސް އިންކަމަށް މައުލޫމާތު ލިބެއެވެ.
އަދި މި ފަރާތަށް ވެސް އެކިވަރުގެ އަނިޔާ ލިބިފައިވާކަމަށް ވަނީ މައުލޫމާތު ލިބިފައެވެ.
