މާލެ ސަރަހައްދުގެ 4 ތަނެއްގައި ބޮޑު ޖަމާއަތުގައި އަޟްހާ އީދު ނަމާދު ކުރާނެ ކަމަށް އިސްލާމިކް މިނިސްޓްރީއިން ބުނެފިއެވެ.
އިސްލާމިކް މިނިސްޓްރީއިން ބުނީ މާލެ ސަރަހައްދުގެ 4 ތަނެއްގައި ބޮޑު ޖަމާއަތުގައި އީދު ނަމާދު ކުރުމަށް ހަމަޖެހިފައިވާއިރު މާލެ ސަރަހައްދުގެ 25 މިސްކިތެއްގައި ވެސް އީދު ނަމާދު ކުރާނެ ކަމަށެވެ.
މާލެ ސަރަހައްދުގައި ބޮޑު ޖަމާއަތުގައި އީދު ނަމާދު ކުރުމަށް ހަމަޖެހިފައިވަނީ:
- މާފަންނު ސްޓޭޑިއަމް
- ހުޅުމާލޭ ސިންތެޓިކް ޓްރެކް
- ހުޅުމާލެ 2ވަނަ ފިޔަވަހީގެ ކްރިކެޓް ސްޓޭޑިއަމް
- ވިލިމާލެ ބޯޅަދަނޑުގައި ބޮޑު
މާލެ ސަރަހައްދުގައި 25 މިސްކިތެއްގައި އީދު ނަމާދު ކުރުމަށް ހަމަޖެހިފައިވާއިރު އޭގެތެރޭގައި ހިމެނެނީ މާލޭގެ 17 މިސްކިތް، ހުޅުމާލޭ ފޭސް 1ގެ 3 މިސްކިތް، ފޭސް 2ގެ 2 މިސްކިތް އަދި ހުޅުލޭގެ 2 މިސްކިތުގެ އިތުރުން ވިލިމާލޭގެ މިސްކިތެކެވެ.
މިއަހަރުގެ އަޟްހާ އީދު ދުވަހަކީ އަންނަ ހަފްތާގެ ބުދަ ދުވަހެވެ.
