މާލޭގެ ހެންވޭރުގެ ބައެއް ސަރަހައްދުތަކުން މިއަދު ކަރަންޓު ކެނޑިދާނެ ކަމަށް ސްޓެލްކޯ އިން ބުނެފިއެވެ.
މިއަދު ކުރި ޓްވީޓެއްގައި ސްޓެލްކޯ އިން ބުނީ ޖަނަވަރީ ހިނގުމާއި، ޖަނަވަރީ މަގާއި، ބުރުޒު މަގުގެ އިތުރުން ލޮނުޒިޔާރަތް މަގާއި، އަމީނީ މަގު އަދި ރަތްވިލާ ހިނގުމުން ކަރަންޓު ކެނޑިދާނެ ކަމަށެވެ.
އެ ކުންފުނިން ބުނި ގޮތުގައި، އެ ކުންފުނީގެ ކަރަންޓު ވިއުގައިގެ ފެންވަރު ރަނގަޅުކުރުމުގެ މަސައްކަތަށް ދެ ގަޑިއިރަށް ކަރަންޓު ކެނޑުމަކީ އެކަށީގެންވާ ކަމެކެވެ.
އެ މަސައްކަތް ކުރުމަށްޓަކައި މިއަދު މެންދުރުފަހު 2 އިން ހަވީރު 4 އަށް އެ ސަރަހައްދުން ކަރަންޓު ކެނޑުމުގެ ސަބަބުން ދިމާވެދާނެ ދަތިތަކަށް ސްޓެލްކޯ އިން ވަނީ މައާފަށް އެދިފައެވެ.
ކަރަންޓުގެ ހިދުމަތް ރަނގަޅުކުރުމަށްޓަކައި ދޭތެރެއަކުން ސްޓެލްކޯ އިން އެފަދަ މަސައްކަތް ކުރުމަށް ކަރަންޓު ކަނޑާލައެވެ. އަދި އެ ކުންފުނިން އާންމުންނާ އެފަދަ މައުލޫމާތު ހިއްސާކުރެއެވެ.
