ހުޅުމާލޭ ފޭސް އެކަކުން ކަރަންޓުގެ ހިދުމަތް މެދުކެނޑިއްޖެ އެވެ.
ސްޓެލްކޯއިން ބުނީ ދިމާވި ޓެކްނިކަލް މައްސަލައަކާއި ގުޅިގެން ހުޅުމާލެ, ފުރަތަމަ ފިޔަވަހީގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވާ ކަމަށެވެ. ނަމަވެސް ދިމާވީ ކޮން މައްސަލައެއް ކަމެއް ސްޓެލްކޯއިން ހާމަކޮށްފައި ނުވެއެވެ.
މައްސަލަ ދެނަގަނެ ހައްލުކުރުމުގެ މަސައްކަތް ކުރަމުންދާ ކަމަށް ސްޓެލްކޯއިން ވަނީ ބުނެފައެވެ.
ހުޅުމާލެ ފޭސް އެކަކުން ކަރަންޓުގެ ހިދުމަތް މެދުކެނޑިފައިވަނީ މިއަދު 5:15 އެހާއިރު އެވެ.
މިދިޔަ ހަފްތާގައި ވެސް ހުޅުމާލޭ ފޭސް އެކަކުން ކަރަންޓުގެ ހިދުމަތް ދެ ގަޑިއިރެއްހާއިރަށް ކެނޑުނުއިރު ދާދިފަހުން މާލެއިން ވެސް ކަރަންޓުގެ ހިދުމަތް މެދުކެނޑުނެވެ. ނަމަވެސް މާ ގިނައިރުތަކެއް ނުވެ ކަރަންޓުގެ ހިދުމަތް ފޯރުކޮށްދީފައި ވެއެވެ.
