މަޝްހޫރު މޮޑެލް އަދި ސޯޝަލް މީޑިއާ އިންފްލުއެންސަރު ފާތިމަތު ޒަޔާން އިބްރާހީމް (ކައިޒީން) 3.6 މިލިއަން ރުފިޔާ ދީގެން އޭނާގެ ބައްޕަ ލައްވާ ގަތް ބޯޓުގެ މައްސަލައިގައި ސިވިލް ކޯޓުން އެދުނު ގޮތަށް އަމުރު ނުނެރެދިނުމުން، ހައިކޯޓުގައި އިސްތިއުނާފުކުރުމަށް ހުށަހަޅައިފިއެވެ.
މިދިޔަ އަހަރުގެ ފަހުކޮޅު ކައިޒީން ސިވިލް ކޯޓަށް މައްސަލަ ހުށަހެޅީ އޭނާގެ ބައްޕަ އަށް 3.6 މިލިއަން ރުފިޔާ ހަވާލުކޮށް ބޯޓެއް ގަތުމަށް ދިނުމުން، އޭނާގެ ބައްޕަ އިބްރާހީމް އަލިފުޅު އެ ފައިސާ އިން ބޯޓު ގަނެ އޭނާގެ ނަން މައްޗަށް ރަޖިސްޓްރީކޮށްފައިވާތީ ކައިޒީންގެ ނަން މައްޗަށް ބޯޓުގެ ރަޖިސްޓްރީ ބަދަލުކޮށްދިނުމަށް އެދިއެވެ.
"މިހިރީ ނަންބަރު 5"ގެ ނަމުގައި އިބްރާހީމްގެ ނަން މައްޗަށް ރަޖިސްޓްރީކުރި އެ ބޯޓުގެ މިލްކުވެރި ފަރާތަކީ ކައިޒީން ކަމަށާއި، ކައިޒީންގެ ބައްޕަގެ ނަން މައްޗަށް ރަޖިސްޓްރީކޮށްފައި ވަނީ އޭނާގެ ރުހުމާ ނުލާ ކަމަށް، ސިވިލް ކޯޓަށް ހުށަހެޅި މައްސަލައިގައި ބުނެފައިވެއެވެ. އެ މައްސަލައިގައި ކައިޒީން އެދުނީ:
- އޭނާގެ ނަން މައްޗަށް ބޯޓުގެ ރަޖިސްޓްރީ ބަދަލުކޮށްދިނުމަށް
- މައްސަލަ ވަކި ގޮތަކަށް ނިމެންދެން އޭނާގެ ރުހުން ނެތި ބޯޓު ކުއްޔަށް ދިނުމާއި ވިއްކާލުން މަނާކުރުމަށް ވަގުތީ އަމުރެއް ނެރެދިނުމަށް
ނަމަވެސް، އެގޮތަށް އަމުރު ނެރެދެވެން ނެތް ކަމަށް ސިވިލް ކޯޓުން ވަނީ މިދިޔަ މަހު ހުކުމްކޮށްފައެވެ.
ކައިޒީން ވަނީ ސިވިލް ކޯޓުން ކުރި އަމުރު ހައިކޯޓުގައި މިއަދު އިސްތިއުނާފުކޮށްފައެވެ. އެ މައްސަލަ ބަލައިގަތުމާ މެދު ވަކި ގޮތެއް ހައިކޯޓުން އަދި ނިންމާފައެއް ނުވެއެވެ.
ތީބޮޑުވަރު ރީތި ބުރުސޫރައެއް ﷲތިބާއަށް ދެއްވިއެއް ކަމަކު ތިބާއަށް ތިބާގެ ބައްޕަޔަކީ ކާކުކަން ނުވަތަ ބައްޕަގެ މަގާމް ނުވަތަ ބައްޕައިން ދަރިންނަށްޓަކައި ވާ ގުރުބާނީ މަންމައިންނަށްވުރެ ތިންދަރަޖަ ދަށްވިއެއްކަމަކު ވެހޭހާ ވާރޭގައި ދޭހާ އަތްވެއްގައި ދަރިންނަށް ކާންދޭ އުނުއޮރިޔާން ހިޔާކޮށްދޭން ކުރާމަސައްކަތް ތަސައްވުރު ނުވުމުން މީހާގެފެންވަރު ވަރައް ސާފު ވެއްޖެ