މި އަހަރުގެ ރަމަޟާން މަހުގައި ވެސް ސަރުކާރުން ރަސްމީ މަސައްކަތްތައް ކުރާނީ ހަތަރު ގަޑިއިރަށް ކަމަށް، ރައީސް އޮފީހުން ބުނެފިއެވެ.
އެ އިދާރާ އިން ބުނީ، މިދިޔަ ރަމަޟާން މަހުން ފެށިގެން ކޮންމެ އަހަރެއްގެ ރަމަޟާން މަހާއި ޝައްވާލް މަހުގެ ފުރަތަމަ ހަތް ދުވަހުގެ ރަސްމީ މަސައްކަތު ގަޑިއަކީ ހެނދުނު 9 އިން މެންދުރުފަހު 1 އަށް ކަމަށެވެ.
ރަމަޟާން މަސް ފިޔަވައި އެހެނިހެން ދުވަސްދުވަހު ސަރުކާރުގެ ރަސްމީ މަސައްކަތު ގަޑިއަކީ ހެނދުނު 9 އިން މެންދުރުފަހު 3 ޖަހަންދެންނެވެ.
ކޮންމެ އަހަރަކު ވެސް ރަމަޟާން މަހު ސަރުކާރާއި އަމިއްލަ ވިޔަފާރިތަކުން މަސައްކަތު ވަގުތަށް ބަދަލު ގެނެއެވެ.
ކަލަންޑަރުގައިވާ ގޮތުން، ރަމަޟާން މަހުގެ ފުރަތަމަ ދުވަހަކީ މި މަހުގެ 23 ވަނަ ދުވަހެވެ.
