މިއުޒިކަލް އައިޑޮލްގެ ޓިކެޓު މޫލީ މެދުވެރިކޮށް މިހާރު ގަނެވޭނެ ކަމަށް އުރީދޫއިން ބުނެފިއެވެ.
އުރީދޫއިން ބުނީ އަންނަ މާޗް މަހުގެ 3 ވަނަ ދުވަހުގައި ހުޅުމާލެ ސިންތެޓިކް ޓްރެކްގައި ދިވެހި އަދި އިންޑިއާގެ ހުނަރުވެރިން ލަވަކިޔުންތެރިންނާއެކު ބާއްވާ އެ މިއުޒިކް ޝޯގައި އިންޑިއަން އައިޑޮލް ސީޒަން ތިނަކުން އެއްވަނަ ހޯދައިފައިވާ ޕަވަންދީޕް އާއި ރަނަރަޕް އަރޫނީތާ ގެ ހުނަރު ފެނިގެންދާނެ ކަމަށެވެ. އަދި މޯލްޑިވިއަން އައިޑޮލް ސީޒަން އެކެއްގެ ރަނަރަޕް ހޯދި ޝަލަބީ އިބްރާހިމްއާއި ގިނަ ބައެއްގެ ލޯބި ލިބިފައިވާ ރާއްޖޭގެ މަޝްހޫރު ލަވަ ކިޔުންތެރިޔާ ރަފިއްޔާތު ރަމީޒާގެ ހުށަހެޅުންތައްވެސް ފެނިގެންދާނެ ކަމަށެވެ.
މިއުޒިކަލް އައިޑޮލްގެ ޓިކެޓު ތިން ކްލާސްއަކަށް ބަހާލައިގެން ވިއްކަމުންދާއިރު އުރީދޫއިން ބުނީ ރެގިއުލާ ކްލާހުގެ ޓިކެޓުގެ އަގަކީ 80 ރުފިޔާ ކަމަށާއި ފާސްޓާ ކްލާހުގެ ޓިކެޓުގެ އަގަކީ 150 ރުފިޔާ ކަމަށެވެ. އަދި 500 ރުފިޔާއަށް ވިއްކަމުންދަނީ ސިލްވާ ކްލާހުން ކަމަށް އުރީދޫއިން ބުނެއެވެ.
އުރީދޫއިން ބުނީ މޫލީއިން ޓިކެޓް ގަތުމުން މާލެ އާއި ހުޅުމާލޭގައި ހުންނަ ކްލަބް ޕްރިމިއާ ލައުންޖާއި އުރީދޫ އެކްސްޕީރިއަންސް ސެންޓަރުން ޓިކެޓް ނެގޭނެ ކަމަށެވެ.
އުރީދޫއިން އިތުރަށް ބުނީ ޓިކެޓް ގަތުމަށް މި ލިންކަށް ވަނުމަށްފަހު ބޭނުންވާ ޓިކެޓް ކެޓަގަރީ ޓިކެޓް ގަނެވޭނެ ކަމަށާއި ކޮންމެ ނެޓްވޯކެއްގެ ކަސްޓަމަރުންނަށް ވެސް އެ ޕްލެޓްފޯމްގެ ލުއިފަސޭހަކަމާއި މަންފާ ލިބިގަތުމަށް މޫލީއިން މަރުހަބާ ކިޔާ ކަމަށެވެ.
