މިހާރު ފެންނަނީ އެމްޑީޕީގެ ރައީސް މުހައްމަދު ނަޝީދަށް ތާއީދުކުރާ މެންބަރުންގެ ތެރެއިން 80 ޕަސެންޓާ ގާތްކުރާ އަދަދަކަށް މެންބަރުން އުނިކުރުމަށް ފަހު ޕްރައިމަރީ ބާއްވަން މަސައްކަތްކުރާ މަންޒަރު ކަމަށް، ހެންވޭރު ހުޅަނގު ދާއިރާގެ މެންބަރު ހަސަން ލަތީފް މިއަދު ވިދާޅުވެއްޖެއެވެ.
މިދިޔަ ހޮނިހިރު ދުވަހު އެމްޑީޕީން ވަނީ އެ ޕާޓީގެ ޕްރައިމަރީގައި ވާދަކުރާ ކެންޑިޑޭޓުންގެ ނަންތައް ތަރުތީބުކޮށްފައެވެ. އަދި އިއްޔެ އެ ޕާޓީން ވަނީ ޕްރައިމަރީގައި ވޯޓުލުމުގެ ހައްގު ލިބިފައިވާ މީހުންގެ ލިސްޓު އާންމުކޮށްފައެވެ. އެ ލިސްޓާ އެކު ޝަކުވާ ހުށަހަޅާ ފޯމް ވެސް ވަނީ އާންމުކޮށްފައެވެ.
އެމްޑީޕީގެ ޕްރައިމަރީ އާ ދިމާކޮށް ނަޝީދުގެ އެންމެ ބޮޑު އެއް ކަންބޮޑުވުމަކަށްވީ އެމްޑީޕީން ގިނަ އަދަދެއްގެ މެންބަރުން ވަކިކޮށްފައިވުމެވެ. އެމަނިކުފާނު ވިދާޅުވާ ގޮތުގައި މިދިޔަ އަހަރު އެކަނި ވެސް ރައީސް އިބްރާހީމް މުހައްމަދު ސޯލިހު އެމްޑީޕީގެ 39 ހާސް މެންބަރުން ދަފްތަރުން އުނިކުރައްވާފައިވެއެވެ. ނަޝީދު ތުހުމަތުކުރައްވާ ގޮތުގައި ރައީސް އުނިކުރައްވާފައި ވަނީ ރައީސަށް ވޯޓު ނުދެއްވާނެ ކަމަށް ބެލެވޭ މެންބަރުންނެވެ. އެކަމަކު ރައީސް އެކަން ދޮގުކުރައްވައެވެ.
ނަޝީދުގެ ފަރާތުން މިއަދު ބޭއްވި ޕްރެސް ކޮންފަރެންސްގައި، އެމަނިކުފާނުގެ ކެމްޕެއިން ޓީމުގައި ވެސް އިސްކޮށް ހަރަކާތްތެރިވެ ވަޑައިގަންނަވާ ހަސަން ލަތީފް ވިދާޅުވީ، ޕާޓީގެ ޕްރައިމަރީގައި ނަޝީދު ވާދަކުރެއްވުމަށް ހުށަހެޅުއްވުމާ އެކު، އެ ޕާޓީން 39 ހާސް މެންބަރުން އުނިކުރި ކަމުގެ ޝަކުވާ އިންތިހާ އަށް ލިބެމުންދާ ކަމަށެވެ. ހަސަން ވިދާޅުވި ގޮތުގައި، އޭގެ ތެރޭގައި ހިމެނޭ ގިނަ އަދަދެއްގެ މެންބަރުންނަކީ ނަޝީދަށް ތާއީދުކުރައްވާ މެންބަރުންނެވެ.
"ފާއިތުވި މިދިޔަ ކުރު މުއްދަތުގެ ތެރޭގައި އަޅުގަނޑުމެންގެ ސާވޭތަކުން ދައްކާ ގޮތުން، ގާތްގަނޑަކަށް 80 ޕަސެންޓާ ގާތްކުރާ އަދަދަކަށް މި ދެންނެވި ވަކިކުރި 39 ހާސް މެންބަރުންގެ ތެރޭގައި ތިބީ ރައީސް ނަޝީދަށް ތާއީދުކޮށް އަދި މި ޕްރައިމަރީގައި ވެސް ވޯޓު ދިނުމަށް ތައްޔާރަށް ތިބި މެންބަރުން. އެނގިވަޑައިގަންނަވާނެ، އެމްޑީޕީގެ މެމްބަޝިޕަކީ ޖުމްލަ 94،000 މެންބަރުން. އެ 94 ހާސް މެންބަރުންގެ 41 ޕަސެންޓު މެންބަރުން އުނިކުރި ވާހަކަ އަޅުގަނޑު މި ދައްކަނީ. އެއީ ބޮޑު އަދަދެއް."
އެމްޑީޕީގެ މަގްސަދަކަށް ވާން ވަނީ ވީހާ ވެސް ގިނަ މެންބަރުން ބައިވެރިކޮށްގެން ދެމެހެއްޓެނިވި ގޮތެއްގައި މަސައްކަތް ކުރުން ކަމަށް ހަސަން ވިދާޅުވިއެވެ.
"އެހެން ނަމަވެސް އަޅުގަނޑުމެންނަށް ފެނިގެން މި ދަނީ ޕާޓީގެ ތެރޭގައި ހާއްސަ ކޮށް ރައީސް ނަޝީދަށް، މިހާރު އަޅުގަނޑުމެންނަށް ލިބިފަ ހުރި މައުލޫމާތުގެ އަލީގައި ދަންނަވަންޏާ 80 ޕަސެންޓާ ގާތްކުރާ އަދަދަކަށް ރައީސް ނަޝީދަށް ތާއީދުކުރާ މެންބަރުން އުނިކުރުމަށް ފަހު ޕްރައިމަރީ ބާއްވަން އުޅޭ މަންޒަރު." ހަސަން ވިދާޅުވިއެވެ.
ނަޝީދުގެ ކެމްޕެއިން ރޭ ރަސްމީކޮށް ފެށި އިރު، ފޯރިގަދަ ކޮށް ސަލްޓަން ޕާކުގައި ކުރިއަށް ދިޔަ ޖަލްސާގައި ވާހަކަފުޅު ދައްކަވަމުން އެމަނިކުފާނު ވަނީ ރައީސް އިބްރާހީމް މުހައްމަދު ސޯލިހު އެމްޑީޕީގެ ރިޔާސީ ކެންޑިޑޭޓަކަށް ހޮވިއްޖެ ނަމަ 20 ޕަސެންޓު ވޯޓު ވެސް އެމަނިކުފާނަށް ނުލިބޭނެ ކަމަށް ވިދާޅުވެ، ވަރަށް ބޮޑަށް ފާޑުވިދާޅުވެފައެވެ.
ރިޔާސީ ޕްރައިމަރީގެ ކެމްޕެއިނަށް ނަޝީދު ފުރާވަޑައިގެންފައިވާއިރު، ކުރިއަށް އޮތް ފަސް ދުވަހުގެ ތެރޭ ބޮޑު ތިލަދުންމަތީގެ ބައެއް ރަށްރަށަށް އެމަނިކުފާނު ވަޑައިގަންނަވާނެއެވެ.
ރާއްޖޭގެ ރައްޔިތުންނަށް ހުރި ޗޮއިސް އެއް ނޫނޭ ރައީސް އިބޫ އަކީ ރާއްޖޭގެ ރައްޔިތުންނަށް ހުރި ޗޮއިސް އެއް ނޫނޭ ކެނެރީގެ ނަޝީދަކީ ވެސް ރާއްޖޭގެ ރައްޔިތުންނަށް ހުރި ޗޮއިސް އެއް ނޫނޭ އެމްޑީޕީ އަކީ ވެސް ރާއްޖޭގެ ރައްޔިތުންނަށް ހުރި ޗޮއިސް އަކީ އެއީ ޕީޕީއެމްއޭ ޕީޕީއެމް އަށޭ ރާއްޖެ ބިނާ ކުރެވޭނީ ޕީޕީއެމް އަށޭ ބްރިޖް އެޅުނީ ވެސް ޕީޕީއެމް އަށޭ މާލޭގެ މަގުތައްވެސް ހެދުނީ ޕީޕީއެމް އަށޭ އިންޑަަސްޓްރިއަލް ވިލެޖް ވެސް ހެދުނީ ޕީޕީއެމް އަށޭ ހުޅުމާލެ ހިއްކުނީ ޕީޕީއެމް އަށޭ ރާއްޖޭގެ ވެރިކަން ރައްޔިތުންނަށް ފައިދާ ހުރި އުސޫލުން ކޮށްދެވޭނީ ކެނެެރީގެ ނަޝީދަކީ އެއީ ބަތާހަރާމީ ހަރާމްކޯރެކޭ އެބަދަވި ހަދާނީ ރޯބުހުތާނު ދޮގޭ ޓެކްްސް ކުޑަ ކުރަން ބޭނުންނަމަ އޭނާގެ އައުވާނުން ގޮވައިގެން މަޖްލީހަށް ބިލެއް ލައިގެން އެކަން މިހާރު ވެސް ކުރަންވީ ނޫންތޭ ރޯ ބުހުތާނު ދޮގޭ އޭނާ ހަދަނީ
އެމްޑީޕީ އަކީ އެއީ އެކްޓް ކުރަން ވެސް ރިއެކްޓް ކުރަން ވެސް ދަންނަ ބައެއް ނޫނޭ އެމެން ދަންނަ ކަމަކީ އެއީ ރައްޔިތުންނަށް އޮޅުވާލާ މަކަރާއި ހީލަތުން ކަންކަން ކުރުމޭ އެމެންނަށް މަޖްލީސް ދިނުމުން ކުރި ކަމަކީ ރައްޔިތުން ފެލަން ވެގެން ރައްޔިތުން އަތުން ޓެކްސް ބޮޑު ކޮށް ނެގުމޭ ދެން ރައްޔިތުން ބާޒާރު ކުރާ ކޮންމެ ކޮތަޅަކުން 2 ރުފިޔާ ނެގުމޭ މީ ޗޮއިސް އެއް ނޫނޭ ގައުމެއް ތަރައްގީ ކުރަން އޮތް އެމްޑީޕީ އަށް ނޭގެއޭ ގައުމެއް ހިންގަން ނެތޭ އޮށްޓަރު ހުރި ބަޔަކު އެމްޑީޕީގެ ކެބިނެޓް ގައި ވެސް އަދި އެމްޑީޕީ ގައިވެސް އެތާ ތިބީ މުޅިން ވެސް ތަނެއްގައި ވަޒީފާ ގަނޑެއްވެސް އަދާ ނުކުރެވި ތިބި މީހުންނޭ ހެޔޮނުވާނެއޭ އެމްޑީޕީ އަށް ދެން ރާއްޖޭގެ ވެރިކަން ދޭން ހެޔޮނުވާނެއޭ ހެޔޮނުވާނެއޭ ހެޔޮނުވާނެއޭ...
އެމްޑީޕީ އަކީ އެއީ ރައްޔިތުންނަށް ދެން ހުރި ޗޮއިސް އެއް ނޫނޭ އެމެން ކޮންމެ ފަހަރަކު ވެރިކަމަށް އައިސް ކުރިން ވެރިކަން ކުރި މީހުންގެ ބޮލަށް ފޫޅު ކަނޑާލާ އެއްކަމެއްވެސް ނުކުރެއޭ ބަލަގަ ވެލާނާ އެއާރޕޯރޓް ގެ ޕަސެންޖަރ ޓާރމިނަލް ސްޓްރަކްޗަރ ނިންމާ މިސަރުކާރާއި ހަވާލު ކުރީ ކޮންޓްރެކްޓަރ އާއި އަދި ފައިސާއާއި އެކުއޭ އެކަމަކު ކަޓް ނުލިބޭތީވެ އެޕްރޮޖެކްޓް އޮޅާލާ އެ ސްޓްރަކްޗަރ ދަބަރަށްވެ ފީވާން ދޫކޮށްލީއޭ މިހާރު އެތަން ހިޔާ ކުރަން ފެށިނަމަވެސް އެތަނުގެ ދުވަސް ދުއްވާލައިފިއޭ ދެން އެސްޓްރަކްޗަރގެ އުމުރަކީ އެންމެ ތިން އަހަރު ދުވަހޭ މިވަރުގެ ބަޔަކު ރާއްޖޭގެ ވެރިކަމުގައި ބައިތިއްބަން ހެޔޮނުވާނެއޭ
ރިއެކްޓް ކުރުން އެކްޓް ކުރުން އެއީ ރައްޔިތުން ވޯޓް ދިން ކަރުދާސް ކޮޅުގައި އިން ކަމެއް ނޫނޭ އެއީ އެމްޑީޕީގެ މެނިފެސްޓޯގައި ވެސް ލިޔެފައިވާ އެއްޗެއް ނޫނޭ އެއީ ދެން ތަމެން ކަނޑުކޮސް ކަމުން ދައްކާ ކައްޕަޅި ވާހަކަ ތަކޭ ރައްޔިތުންނަށް ދަތިވެފައިވާ އެއްވެސް ކަމެއް ނެތޭ ތަމެންގެ ސަރުކާރަށް ކުރެވިފައި ދައުލަތަށް އާމްދަނީ އެންމެ ބޮޑަށް ލިބޭ ވެލާނާ އެއާރޕޯރޓްގެ އިރުން އޮންނަ ކަނޑުތޮށި 4 އަހަރުދުވަހު ނުލެވުނޭ ދާލު ރިނބިދޫ ބަނދަރު ހެދިއްޖެއޭ މީސީދާ ހަސަދައޭ މިވަރުގެ ވެރިކަމެއް ވެރިކަން ކުރާ ރަށުގައި ބާއްވަން ރައްޔިތުން ވޯޓް ދީގެން ނުވާނެއޭ އެމްޑީޕީ އަށް ދެން ރާއްޖޭގެ ވެރިކަން ދީފިނަމަ ދިވެހިރާއްޖޭގެ މިނިވަން ކަން އިންޑިއާ އަށް ވިއްކާލާ އެމެން އިންޑިއާ ސިފައިން ލައްވާ ދިވެހިރައްިޔތުން ގައިގައި ތަޅާނީ ޗާބޫކުން