މުއްދަތު ހަމަވާ އައިޑީ ކާޑުތައް ޖުލައި 31 ގެ ނިޔަލަށް ބޭނުން ކުރެވޭ ގޮތް ހަދައިފިއެވެ.
ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރް) އިން ބުނީ، ކޮވިޑް-19 އާ ގުޅިގެން، މިދަނޑިވަޅުގައި ރައްކާތެރިކަމަށް އެޅޭނެ މުހިންމު ފިޔަވަޅެއްގެ ގޮތުން އެ އިދާރާއަށް ހާޒިރުވާން ޖެހޭ ފަރާތްތަށް ވީހާވެސް މަދުކުރުމަށްޓަކައި މުއްދަތު ހަމަވާ ކާޑުތަކުގެ މުއްދަތު އިތުރު ކުރުމަށް ނިންމާފައިވާ ކަމަށެވެ.
މިގޮތުން މުއްދަތު ހަމަވާ އައިޑީ ކާޑްތައް ޖުލައި 31، 2022ގެ ނިޔަލަށް އިތުރުކޮށްފައި ވާ ކަމަށް ޑީއެންއާރް އިން ވަނީ ބުނެފައެވެ.
ޑީއެންއާރުން ވަނީ ސަރުކާރުގެ ހުރިހާ މުއައްސަސާއަކުންވެސް ރައްޔިތުންނަށް ހިދުމަތް ދިނުމުގައި އައިޑީކާޑުގެ މުއްދަތު ބަލާއިރު މިގޮތަށް އަމަލު ކުރުމަށް އެދިފައެވެ.
ކާޑުގެ މުއްދަތު އިތުރުކޮށް އިއުލާނުކުރި ކަމުގައި ވީނަމަސް ގްރޭޓާ މާލޭ ސަރަހައްދުގައި ދިރިއުޅޭ ފަރާތްތަކަށް މިހާރެކޭ އެއްފަދައިން އޮންލައިންކޮށް ވެބް ޕޯޓަލް މެދުވެރިކޮށް އަދި އަތޮޅުތެރޭގައި ކުރިއެކޭ އެއްގޮތަށް ކައުންސިލް އިދާރާތަށް މެދުވެރިކޮށް ކާޑު ހެދުމަށް ހުށަހެލޭނެ ކަމަށް ޑީއެންއާރްއިން ބުނެއެވެ.
