ރާއްޖޭއިން ބޭރުކުރަން އުޅުނު ގިނަ އަދަދެއްގެ މިޔަރު އުރަހަ ތަކެއް އޭވިއޭޝަން ސެކިއުރިޓީގެ ކާގޯ ސްކްރީނިން ޔުނިޓުން ހިފަހައްޓައިފިއެވެ.
އޭވިއޭޝަން ސެކިއުރިޓީން ބުނީ ލޮނުމަހުގެ ތެރޭގައި ފޮރުވައިގެން މިއަދު ރާއްޖޭއިން ބޭރުކުރަން އުޅުނު ގިނަ އަދަދެއްގެ މިޔަރު އުރަހަ ތަކެއް އޭވިއޭޝަން ސެކިއުރިޓީގެ ކާގޯ ސްކްރީނިން ޔުނިޓުން ހިފަހައްޓާފައިވާ ކަމަށެވެ.
އަދި މިހާރު އެތަކެތި ކަމާއި ބެހޭ ފަރާތްތަކާއި ހަވާލުކޮށްފައިވާ ކަމަށް އޭވިއޭޝަން ސެކިއުރިޓީން ވަނީ ބުނެފައެވެ. ނަމަވެސް ހިފެހެއްޓީ ކިހާ އަދަދެއްގެ މިޔަރު އުރަހަ ކަމެެއް ހާމަކޮށްފައެއް ނުވެއެވެ.
ރާއްޖޭގައި މިޔަރަކީ ހިމާޔަތްކޮށްފައިވާ އެއްޗެކެވެ. އެގޮތުން މިޔަރު ހިފުމާއި މިޔަރަށް ގޯނާ ކުރުމަކީ ވެސް މަނާ ކަމެކެވެ.
ނަމަވެސް ގަވާއިދާއި ހިލާފަށް މިޔަރު ހިފާ އޭގެ އުރަހަ ވިޔަފާރީގެ ގޮތުގައި ބޭނުންކުރަމުންދާ މައްސަލަ ދޭތެރެ ދޭތެރެއިން އަންނަނީ ފެންމަތި ވަމުންނެވެ.
