ހަލުވިކަމާއެކު ފެތުރެމުން އަންނަ ކޯވިޑް-19 ގެ ސަބަބުން މެލޭޝިޔާ ސަރުކާރުން މިވަނީ އެގައުމުގައި އަޅަމުން އަންނަ ފިޔަވަޅުތައް އިތުރަށް ހަރުކަށި ކުރަން ނިންމާފައެވެ. މި ގޮތުން ބަލިފެތުރުން ހުއްޓުވުމަށް ޢާއްމުން މަގުތަކުގެ މައްޗަށް ނިކުމެ އުޅުން މަނާ ކުރާ ޢަމުރު މިމަހުގެ 14 ވަނަ ދުވަހުގެ ނިޔަލަށް ތަންފީޒުކުރުމަށް ނިންމާފައވާކަން ސަރުކާރުން މިވަނީ އިއުލާނުކޮށްފައެވެ.
މިއާއެކު މެލޭޝިޔާގައި ކިޔަވަން ގޮސް ތިބި ގިނަ ދިވެހި ކުދިން ކުރަމުން ދިޔަ އާދޭހުގެ އަޑު ގަދަވެގެން ދިޔައެވެ. މީގެ ތެރެއިން ބައެއް ކުދިން މިވަނީ 'ދަ ޕްރެސް' އާ އެކުދިންގެ ކަންބޮޑުވުންތައް ހިއްސާކޮށްފައެވެ.
މެލޭޝިޔާގައި ސައިކޮލަޖީގެ ރޮނގުން ޑްގްރީއަށް ކިޔަވަމުންދާ އައިޝަތު ބުނީ އޭނާއާ އޭނާގެ ރައްޓެހިންނަށް މިހާލަތުގައި ގިނަ ދަތިތަކާ ކުރިމަތިލާން ޖެހިފައިވާ ކަމަށެވެ. އައިޝަތު ބުނީ ޢާއްމު ދިރުއުޅުމަށް ބޭނުންވާ އެންމެ ޒަރޫރީ އެއްޗެހި ހޯދުމަށް ވެސް ދަތިވެފައިވާ ކަމަށެވެ. އަދި ކުރިއަށް ރަމަޟާން މަސް އޮތް އިރު ބޭނުންވާ ކާބޯތަކެތި ނުލިބިދާނެ ބިރު ވެސް އެބައޮތް ކަމަށް އޭނާ ބުންޏެވެ. އައިޝަތު ބުނީ މެލޭޝިޔާގައި ތަންފީޒުކުރަމުންދާ ޢަމުރުގެ ސަބަބުން ޢާއްމު ދަތުރުފަތުރު ކުރާ އުޅަނދުތަކުގެ ޚިދުމަތްތައް ކަނޑާލާފައިވާ އިރު މޯލްތަކާ ޝޮޕިންގް ސެންޓަރު ތަކަށް ދެވޭނެ ގޮތެއް ނެތް ކަމަށެވެ. އަދި އެތަންތަނަށް ނުގޮސް އޭ.ޓީ.އެމްއިން ލާރި ނެގޭނެ ގޮތެއް ވެސް ނެތް ކަމަށާ އަތުގައި ލާރި ނެތި އެހެން ގޮތްގޮތަށް ވެސް ދަތުރުފަތުރު ނުކުރެވޭނެ ކަމަށެވެ.
އޭނާ ބުނީ މި ހާލަތުގައި ދިމާވެފައިވާ އެކި އެކި މައްސަލަތައް މެލޭޝިޔާގައި ހުންނަ ދިވެހި ހައިކޮމިޝަނާ ހިއްސާކޮށްފައިވާނެ ކަމަށެވެ. އައިޝަތު ބުނީ ހައިކޮމިޝަނުން ދިނީ އޮންލައިންކޮށް ކާބޯތަކެތި ގަނެ ހެދޭނެ ފަދަ ލިންކެއް ކަމަށާ މިސައިޓުން ބުނާ ގޮތުން އެންމެ އަވަހަށް ވެސް ކާބޯތަކެތި ފޯރުކޮށްދެވޭނީ ތިން ހަފްތާ ފަހުން ކަމަށެވެ.
އައިޝަތު ކިޔާ ދިން ގޮތުގައި ހައިކޮމިޝަނުގެ ފަރާތުން އެދެވޭ ޖަވާބެއް ނުދޭތަނުގައި ކުދިން ކުރާ ފޯނު ކޯލުތަކަށް ޖަވާބު ދިން ހައިކޮމިޝަނުގެ ބައެއް މުވައްޒަފުންގެ ފުރައްސާރައާ ވެސް ކުރިމަތިލާން ޖެހުނެވެ. އައިޝަތު ބުނީ އެކޮޅުން ވާހަކަ ދެއްކި ބައެއް ފަރާތްތަކުން ވާހަކަ ދައްކާފައިވަނީ ބޭއަދަބީ ބަހުރުވައިން ކަމަށާ މިކަމުގެ ސަބަބުން އިތުރު ކަންބޮޑުވުންތައް ފާޅުކުރަން ފަސް ޖެހެވުނު ކަމަށެވެ.
ފައިތުވި ދެ އަހަރު މެލޭޝިޔާގައި މަތީ ތަޢުލީމު ހާސިލް ކުރަމުން އަންނަ ހައްވައަށް ވެސް ކުރެވިފައިވަނީ ދާދި އެއްގޮތް ތަޖުރިބާތަކެކެވެ. އޭނާ ބުނީ ކާބޯތަކެތި ގަންނަން ފިހާރައަށްދާން ވާ އިރު ޕާން، ބަނަސް ފަދަ ތަކެތި ލިބެން ނުހުންނަ ކަމަށާ ހަނޑޫ ފަދަ ތަކެތިން ވެސް ލިބެން ހުންނަނީ ފަސް ކިލޯ އެއްކޮށް ޕެކްކޮށްފައި ހުންނަ ކުދި ގޯނިކަމަށެވެ.
ނޭވާލާ ނިޒާމުގެ ބައްޔަކަށް ދިގު މުއްދަތަކަށް ފަރުވާ ކުރަމުން އަންނަ ހައްވަ ބުނީ ދާދި ފަހުން އޭނާ ވަރަށް ބަލިވި ކަމަށާ މީގެ ކުރިން ބަލިވުމުން ވެސް ދަނީ އޭނާ ކިޔަވާ ޔުނިވަރސިޓީގައި ހުންނަ ކްލިނިކަށް ކަމަށެވެ. އެހެން ނަމަވެސް މިފަހަރު ބަލިވެގެން އެތަނަށް ދިއުމުން، އެތަނުގައި ހުރި ނަރުހުންގެ މީހާ ރުޅިވެރިކަމާއެކު ވާހަކަ ދައްކާ އެތަނުން ދިއުމަށް ޢަމުރުކުރި ކަމަށާ އެތަން މިހާރު ބޭނުން ކުރެވެމުންދަނީ ކޯވިޑް-19 އަށް ފަރުވާދޭ ތަނެއްގެ ގޮތުގައި ކަމަށް ވެސް ހައްވަ ބުންޏެވެ.
ސްކޮލަރޝިޕެއްގައި ކިޔަވަން ގޮސް ހުރި ހައްވަ ބުނީ މާލޭގައި ތިބި އޭނާގެ އާއިލާއިން ކަންބޮޑުވެގެން މިނިސްޓްރީ އޮފް ހަޔަރ އެޑިއުކޭޝަން އަށް ވެސް އެނގި ކަމަށާ އެމިނިސްޓްރީ އިން ބުނީ މިކަމުގައި ފޮރިން މިނިސްޓްރީއަށް ގުޅުމަށް ކަމަށް. އަދި ފޮރިން މިނިސްޓްރީ އިން ވެސް ބުނެފައިވަނީ މެލޭޝިޔާގައި ތިބި ދިވެހި ކުދިން ގެނައުމުގެ ކަންކަން ކުރަމުންދާ ކަމަށެވެ.
މިކަމާ ބެހޭ ގޮތުން ވާހަކަ ދެއްކި އިތުރު ދެ ކުދިންގެ ވެސް ޝަކުވާ އަކީ މިއެވެ.
'ދަ ޕްރެސް'އަށް މަޢުލޫމާތު ދެއްވަމުން ފޮރިން މިނިސްޓްރީގެ ޑިރެކްޓާ އޮފް ކޮމިއުނިކޭޝަން މިއުވާން މުހައްމަދު ވިދާޅުވީ، މެލޭޝިޔާގައި ހުންނަ ހައިކޮމިޝަނުން އެގައުމުގައި ތިބި ދިވެހިންގެ ހުރި ކަންބޮޑުވުންތައް ދުރުކުރުމަށް ހުއްޓުމެއް ނެތި މަސައްކަތްތައް ކުރަމުންދާ ކަމަށެވެ. މިއުވާން ވިދާޅުވީ، މިހާލަތަކީ ޙާއްސަ ހާލަތެއް ކަމަށާ ދިވެހި ސަރުކާރުން މަސައްކަތްތައް ކުރަމުންދަނީ އެއްވެސް ތަފާތުކުރުމެއް ނެތި ބޭރުގައި ތިބި ދިވެހިންނަށް އެހީވުމަށް ކަމަށެވެ.
ލަންކާގައި ދިރިއުޅޭ ދިވެހިންނަށް އެތަނުގައި ހުންނަ ދިވެހި ހައިކޮމިޝަނުން ކާބޯތަކެތި ފޯރުކޮށްދިން ގޮތަށް މެލޭޝިޔާގައި ނުހެދޭނެތޯ ކުރި ސުވާލުގެ ޖަވާބަށް މިއުވާން ވިދާޅުވީ، ލަންކާއާ ޚިލާފަށް މެލޭޝިޔާގައި ގިނަ ސަރަހައްދުތަކެއްގައި ދިވެހިން އުޅެމުންދާ ކަމަށެވެ. އަދި އެގައުމުގައި ތަންފީޒުކުރަމުން ޢަމުރުގެ ތެރޭގައި މިގޮތަށް ބޭރަށް ނިކުމެ އުޅުމަކީ މަނާ ކަމެއް ކަމަށާ މެލޭޝިޔާގައި ހުންނަ ހައިކޮމިޝަނުން ދަނީ އިތުރު ގޮތްތައް ހޯދަމުން ކަމަށެވެ. އަދި މެލޭޝިޔާގައި ތިބި އެއްވެސް ދިވެއްސެއް ހާލުގައި ޖެހުނަ ނުދޭނެ ކަމަށް ވެސް މިއުވާން ވިދާޅުވިއެވެ.
ހޮނިހިރު ދުވަހު ފޮރިން މިނިސްޓަރު ޢަބްދުﷲ ޝާހިދު މިވަނީ ގައުމީ އެޔަރލައިން މޯލްޑިވިއަންގެ ފްލައިޓްތައް މެލޭޝިޔާއަށް ވެސް ދަތުރުތައް އަޅާ އެގައުމުގައި ތިބި ދިވެހިން އަނބުރާ ރާއްޖެއަށް ގެންނަން މަސައްކަތްތައް ކުރާނެކަން އިއުލާނުކުރައްވާފައެވެ.
އެހެން ނަމަވެސް މި ޚަބަރަކީ ވެސް މި ވަގުތު ކަންބޮޑުވެފައި މެލޭޝިޔާގައި ތިބި ދިވެހިން ޙާއްސަކޮށް ކިޔާވަކުދިންނަށް އުފާވެރި ޚަބަރަކަށް ނުވިއެވެ. 'ދަ ޕްރެސް' އާ ވާހަކަ ދައްކަމުން މެލޭޝިޔާގައި ބިޒްނަސް ގެ ދާއިރާއިން މަތީ ތަޢުލީމު ހާސިލްކުރަމުން އަންނަ ދަރިވަރަކު ބުނީ މިކަމުގެ މަޢުލޫމާތު ހައިކޮމިޝަނުން ހިއްސާކޮށްފައިވާކަމަށެވެ. އޭނާ ބުނީ މި ފްލައިޓްތަކުން ރާއްޖެ އަންނަން ޚަރަދުކުރަން ޖެހޭނީ ޢަމިއްލަ ޖީބުން ކަމަށް ވެސް އޮފިޝަލުން އަންގާފައިވާ ކަމަށެވެ. އަދި މެލޭޝިޔާގައި ގިނައީ ދިވެހި ކިޔަވާ ކުދިންނަށް ވާ އިރު މިފަދަ ޚަރަދެއް ކުރަން އުނދަގޫވާނެ ކަމަށާ މިދަތުރުތަކަކީ އަދި ތާވަލުވެސް ނުވާ ދަތުރުތަކަށް ވާ އިރު މީ ހައްލެއް ކަމަށް ނުދެކޭ ކަމަށް އޭނާ ބުންޏެވެ.
ހަބަރު ލިބޭގޮތުގަ މެލޭޝިއާއިން މީހުން ޓެސްޓު ކުރަނީ ބަލީގެ އަލާމަތްތައް ހުރެ އަދި އެމީހެއްގެ އެސްޓެބްލިޝްޑް ކޮންޓެކްޓް ހިސްޓްރީއެއް ހުރެއްޖެނަމަ. މިފަދަ ދުވަސްވަރެއްގަ އާއިލާއާ ދުރުގައި އުޅޭ ދަރިވަރެއް ހުން އައިސް ބަލިވެއްޖެނަމަ ކިހާ ކަންބޮޑުވެ ނަފްސާނީ ގޮތުން ކިހާ އަސަރެއް ކުރާނެތޯ؟ އަދި އެކުއްޖާއާއެކު އެހެން ދަރިވަރުން އުޅޭނަމަ އެކުދިންވެސް ޖެހިލުންވާނެ. މިއީ ކަން ހިނގަމުން އަންނަ ގޮތް. މާތް ﷲ ބޭރު ގައުމުތަކުގަ ތިބި އެންމެހާ ދިވެހިންނަށް ކެތްތެރިކަން ދެއްވާށި. އާމީން.
މިކަހަލަ ދުވަހެއް އަންނާނެކަމެއް ދުވަހަކުވެސް ހިތަކަށް ނާރާ. އަޅުގަނޑަކީ ސްކޯލާޝިޕް ލިބިގެން އައި ކުއްޖެއް.. މިހާރު ޑިގްރީ ނިމިއްޖެ އަދި އަޅުގަންޑު އޮތީ މާލެއަށް ދާ ގޮތައް ނަމަވެސް މިކަން މިހެންވުމުން އަޅުގަންޑު މިކޮޅުގައި ތާށިވެއްޖެ. އަޅުގަނދުގެ އާއިލާ އަކީ އެހާ ފުދިގެން އުޅޭ ބައެއް ނޫން. މިހާރު މަންމަމެން އެބަޖެހޭ އަޅުގަނޑު އުޅޭ ތަނަށާ، ކާންށާ އިތުރު ހަރަދުތަކަށްވެސް ލާރި ދައްކަން. ވަރަށް ބޮޑައް ދެރަވޭ އާއިލާއައް އެހާ ނުލިބޭއިރު ލާރި ހޯދަންޖެހޭތީވެވެސް ނަމަވެސް ކިހިނެެއް ހަދާނީ..
ހައްވަ ކަހަލަ ކުދިންނަކީ ކޮރޯނާ ޖެހިޖެއްޔާ ހައި ރިސްކު ވާނެ ކަނބަލެއް ނޫންތޯ؟ އަދިވެސް އަޅާނުލާ ބަހައްޓަނީތޯ؟ ހެއްދެވި ފަރާތުން ހައްވަފަދަ ކުދިންނަށް މި ބިރުވެރިބަލިމަޑުކަމުން ރައްކާތެރިކަން ދެއްވާންދެ....
ތިމާއަށް މަތީ މަގާމުތަކުން ބާރު ލިބިގެން ތިމާގެ މައްސޫލިއްޔަތު އަދާ ނުކުރާ މީހާއަށް ހަލާކު ހުރި! އެމްބަސީ މަތީ މަގާމުގެ ބޭފުޅުންނަށް ކެރޭތަ ގެއައްގޮސް ރަޖާލައިގެން އަރާމުގަ ނިދަން އޮއްނަން ތިމާމެންގެ ބެލުމުގަ ތިބޭ ޅަ ދިވެހި ކުދިން ހާލުގަ ޖެހޭ ދުވަހު!
ސީރިއަސްލީ އެމްބަސީ މީހުން އަޅަ އެއްނުލާ... މިހިސާބުން ގްރޭބް ގަނޑެއްވެސް ނުލިބޭ މޯލް އައް ކާއެއްޗެހި ގަންނަންދާކައް. ބިރުން މިހުންނަނީ މަސްދަޅު ކޭސްގަނޑުވެސް ހުސްވެދާނެތީ..... މިވަގުތު ހުސްވެފަހުރީ ހަނޑޫވެސް... ):
މި ދިވެހިރާއްޖޭގެ އެންމްބަސީ އޭކިޔާތަން ފެއިލް! ރައްޔިތުންނަށް އެއްބާރުލުންދީ އެހީ ވާންވީ ދުހު ކޮން ކަމެއް ވީ؟ ޖޯކެއްތަމީ؟ އެއްޗެކޭ ބުނާއިރަށް މިމީހުންނަށް ކިޔޭހާވެސް އެއްޗަކީ ގޭގަ އޮންނާށޭ ގޭގަ އޮންނާށޭ! ބަލަ ގޭގަ ހަމަ އެކަނި އޮވެގެން ކިހިނެއް ކައިބޮއި ހަދަނީ؟ މީހަކު މަތިން ފައިބައިގެން ކައްކަން ބޭނުންވާ އެއްޗެހި ހޯދާދެނީތަ؟ ބިރުން ހުރެ މާސްކު އަޅައިގެން ސެނިޓައިޒާ ފުޅި ކިހިލިފައްޗައް ޖަހައިގެން ނުކުންނައިރު ފިހާރަތަކުން ބޯ ފެން، ފުއް، ފިޔާ ކަހަލަ ތަކެތި ހުސްވެފަ! ދެން ކާކާ މިވާހަކު އިތުރަށް ހިއްސާކުރެވޭނީ ކަމާ ބެހޭ ފަރާތުން އަޅާ ނުލަންޔާ! ބޯ ހަލާކު. މަގޭ ހުރޭ ކުޑަ ކުޑަ 7 އަހަރުގެ ދަރިއެއްވެސް! އެކުއްޖާ ގޮވައިގެން ކޮންމެ ފަހަރަކު ބޭރަށް ނިކުންނަން ހިއް ފަޅައިންދޭ. އަދިވެސް ރުޅިމަޑު، ނޯށުންރޮވޭ!
އެންބަސީ މާރީއްޗެއް ނޫންދޯ އަޅުގަންޑުމެންގެ ދިވެހި ދަރިން ހާލުގަ ޖެހުނު ދުވަހު އެކަހެރި ކޮށް، ފުރައްސާރަކޮށް ހަދަން. ކަލޭމެންނަށް އެއްޗެއް ވިސްނޭނީ ކޮން ދުވަހަކުން! މިހާރުން މިހާރަށް ފިޔަވަޅު ނަގާ! ކޮބާ އިންސާނިއްޔަތުކަން؟
އަޅުގަނޑކީ މެލޭޝިއާގައި ކިޔަވަން ހުުުންނަ ކުއްޖެއް. އަޅުގަނޑު އުޅޭ ބިލްޑިންގް ގައި 10 ކޮރޯނާ ކޭސަސް ފެނިފައި ވޭ. ކާބޯތަކެތި ހޯދަން ބޭރަށް ދާންވެސް ނުކެރޭ. ލިފްޓައް އަރާކަށްވެސް ނުކެރޭ. މިކަމުގަ އެމްބަސީ އާއި ވާހަަކަ ދެއްކުމުން އެބޭފުޅުން އަޅުގަނޑައް ދިނީ ކާބޯތަކެތި ޑެލިވަރ ކޮށްދޭ ލިންކު ތަކެއް. ނަމަވެސް އެތަންތަނުން ޑެލިވަރީ ކޮށްދޭންވެސް އެތަކެކް މީހުން ތިބި ކިއު އެއްގައި ޖެހެން ޖެހޭ. އެންބަސީ އާއި ކަންބޮޑުވުމުގެ ހިޔާލުފާޅުކުރުމުން އެހާ ސީރިއަސް ކޮށެއް އެބޭފުޅުން ނުނެގި. ބޭނުންވަނީ ރިސޯޓައް ދާކަށެއް ނޫން. ބޭނުންވަނީ މަޖާ ކުރާކަށެއް ނޫން. އަޅުގަނޑު އުޅެންޖެހެނީ ބިރެއްގަ އެކަނި އެއްވެސް އެހެން މީހެހްގެ އެހީ އާއި ނުލާ. ކޮންމެ މީހެއްވެސް ބޭރު ގައުމެއްގަި ތިބެ ހާލުގަި ޖެހޭ ދުވަހުން އެހީ ހޯދަން ދާނީ އެގައުމެއްގެ އެންބަސީ އައްނޫންތޯ. އެމްބަސީ އަކައް އަޅުގަންޑުމެންގެ އަޑުތަކެއް ނީވުނު. ކަމެއް ވެއްޖެއްޔާ މެލޭޝިއާ ހޮސްޕިޓަލް ތަކުން ބޭރު މީހުނައް އަޅާލާނެތޯ އަމިއްލަ ގައުމުގެ ބޭފުޅުން ބަހައްޓާފައި! މިބޭފުޅުން މިކަން ސީރިއަސް ކޮށް ނަގާނީ ދިވެއްސަކު މެލޭށިއާގައި ހުރެ ކޮރޯނާ ޖެހިގެން މާލަސްވީމަތޯ!
މެލޭޝިޔާގެ ވަކި ހިސާބެއްގަ ކޮވިޑް 19 ގެ 7 ކޭސް ފެނިފަ ހުރި ބިލްޑިންގެއްގަ ތިބި ކުދިން އަމިއްލަ ސަލާމަތައްޓަކައި ހުރި ބިރުގެ ސަބަބުން ރީލޮކޭޓް ކޮއްދުމަށް އެދުމުންވެސް ހައި ކޮމިޝަނުން އެންގީ ކުރެވޭނެ އެއްވެސް ކަމެށް ނެއްކަން. މީ އެމީހުންގެ ހާލު
ދިވެހިންނަށް އެއްޗެއް ވިސްނޭނީ އެމީހެއްގެ ދަރިޔެއް މިހާލަށް ދިޔައީމަ. އޭރަށް ރޯނެ މަގޭ ދަރިއޭ ކިޔާފަ އެހެންނޫނީ ދެން ތިބި ހުރިހާ ދިވެހި ކުދިންނާ ދޭތެރޭ ޒައްރެކޭވެސް ހިތަކަށް ނާރާނެ. ސަރުކާރޭ ދެންޖެހުނު އެއްޗެކޭ ކިޔުމުގެ ކުރިން މިއީ ކަލޭގެ ދަރިނަމަކުރާނީ ކީއްހޭ ހިތައް އަރުވާލާ
ޔަގީނޭ ރާއްޖެ އަންނަ އެންމެ ފުރަތަމަ ފުލައިޓުގަވެސް ތިބޭނީ ހުސް މުއްސަނދިންނާ އެބޭފުޅުންގެ އާއިލާތައްކަން. އަހަރެން މެލޭޝިޔާގަ ކިޔެވި އިރުވެސް ތިއީ ހަމަ އެންބަސީ ތަކުގެ ހާލު ހަހަހަހަ
އޭބަލަ ބޮޑު މުސާރަކައިގެން ތިބޭ އެންބަސީ ބޮޑުންނޭ، ކަލޭމެން ބަލަ އަހަރުމެންގެ ޅަ ދަރިންނާދޭތެރޭ ކިހިނެއްތަ ކަންކުރަނީ ތި؟ ބޭރު ގައުމެއްގަ ކިޔަވަން ހުންނަ އެންމެންނަކީ ފުއްދުންތެރި ބަޔެއް ނޫންކަން ވިސްނާލައްވާ!
އެމްބަސީ ގާތު އެހީ އަށް އެދޭނެކަމެއް ނެްތް. ހާލުގަ ޖެހިފަ ހުރި ކުދިންގެ އުނދަގޫ ތަކުގެ ވާހަކަ ދެއްކީމަވެސް އެ ގުރޫޕުގަ ފުދިގެން ޖީބު ފުރާ ލާރި ހުންނަ މީހުން އެ ކުދިންނަށް ކުރަނީ ފުރައްސާރަ. މިއީ އަދި 2000 މީހުން އުޅޭ ވައިބަ ގުރޫޕުގެ ހާލު. އެންބަސީ މީހުން ތިބެނީ ހައްޕު ކިޔައިގެން އެކުދިން ރޮލާ ކާތަން ބަލަން.
ތިޔަ ބުނުއްވީ ހަމަ ތެދެއް. އަޅުގަނޑުގެ ދަރިފުޅު އަޅުގަނޑަށް ފޮނުއްވެވި ސިކިރީންޝޮޓުގަވެސް ދިމާވެފަ ހުރީ ތިހެން. ޕާން ނުކެވިގެން ދޯ އޭ ރިސޯޓުގަ ހުންނަން ބޭނުންވެގެން ދޮގުހަދަނީ ދޯ އޭ ކިޔާ އެކި ކަހަލަ ފުރައްސާރަތައް ކުރެއްވި އިރުވެސް އެމްބަސީ ބޮޑެތި ބޭފުޅުން ތިބީ ހަނު ހުރައްވާފަި. ހާދަ ހިތައް ތަދުވެޔޭ...
ތެދުވާޙަކަައެއް އެމްބަސީގައި ތިބި މީހުންނަކީ ރަމްޒީ ބައެއް. އެހީތެރިކަމެއް ފޯރުކޮށްދެވިފައި ނުވާހިނދު ކަމަކަށް ބޭނުންވާ ކުދިންނަށް ފުރައްސާރަ ކުރުމާއިި މަލާމާތްކުރުން އިންތިހާ!! އެމްބަސީއަށްވުރެ އެހެން ޔުނިވަރސިޓީތަކުގައި ތިބޭ ކުދިންގެ އެހީތެރިކަން މާބޮޑު. އެކުދިންގެ ޔުނިވަރސިޓީތަކުން ހާލު ބަލާލާއިރުވެސް މި އެމްބަސީއަކުން ކުއްޖެއްގެ ހާލު ބަލާލެވޭ ވަރެއް ނުވޭ!! ސާރވިސް ހޯދަން ޝެއަރ ކުރާ ލިންކްތައް ވަނީ އެކްސްޕަޔަ ވެފައި ފަންކްޝަނެއް ނުކުރޭ.