މިއަދު ހަވީރު ގދ. ތިނަދޫގައި ހިނގި އެކްސިޑެންޓެއްގައި ކާރަކުން ޖެހި ގެއެއްގެ ފާރު ވެއްޓިފައި ވާކަމަށް ފުލުހުން ބުނެފިއެވެ.
ފުލުހުން ބުނީ މި އެކްސިޑެންޓުގައި އެއްވެސް މީހަކަށް ގެއްލުން ވެފައި ނުވާކަމަށާ އެކްސިޑެންޓުވި ކާރުގެ ކުރީ ބަފަރު އެއްކޮށް ނެއްޓިފައި ވާކަމަށެވެ.
މި އެކްސިޑެންޓު ހިނގަން މެދުވެރިވީ ދުއްވާފައި ދިޔަ ކާރު ބާރު ސްޕީޑުގައި ދިއުމުގެ ސަބަބުން ކޮންޓްރޯލް ނުވެގެން ގޮސް ގެއެއްގެ ފާރުގައި ޖެހިގެން ކަމަށް ފުލުހުން މައުލޫމާތުދެއެވެ. އަދި މި އެކްސިޑެންޓު ހިނގާފައި ވަނީ މިއަދު ހަވީރު 17:23 ހާއިރުކަމަށް ފުލުހުން މައުލޫމާތު ދެއެވެ.
މާލެ ސިޓީގެ އިތުރުން ރާއްޖޭގެ ރަށްތަކުގައި ހިނގަމުންދާ އެކްސިޑެންޓުތަކުގައި މީހުންނަށާ ތަކެއްޗަށް ގިނަ ގެއްލުންތަކެއް ދަނީ ލިބެމުންނެވެ.
ފުލުހުން ބުނީ މިއަދި ހިނގި އެކްސިޑެންޓުގެ މައްސަލަ ދަނީ އިތުރަށް ތަހުގީގު ކުރަމުން ކަމަށެވެ.
