ހައްޖު ކޯޕަރޭޝަނުގެ ހަވާލުގައި ހައްޖަށް ދިޔަ އަންހެނަކު ގެއްލިގެން ހޯދަމުން ދާކަމަށް ހައްޖު ކޯޕަރޭޝަނުން ބުނެފިއެވެ.
ދަ ޕްރެސް އަށް މައުލޫމާތް ދެމުން ހައްޖު ކޯޕަރޭޝަނުން ބުނީ ގެއްލިގެން ހޯދަމުން ދަނީ އުމުރުން 53 އަހަރުގެ އަނެހެއް ކަމަށެވެ. ހައްޖު ކޯޕަރޭޝަނުން ބުނީ އޭނާ އުމްރާއަށް ގޮސްފައި ވަނީ އޭނާގެ ފިރި މީހާއާ އެކުގައި ކަމަށެވެ.
ހައްޖު ކޯޕަރޭޝަނުން ބުނީ އޭނާއާ އެންމެ ފަހުން ދިމާވުމުން ފަޔަށް ތަދުވާ ވާހަކަމަށް ބުނެފައިވާކަމަށެވެ.
ހައްޖު ކޯޕަރޭޝަނުގެ ފަރާތުން އޭނާ ހޯދުމުގެ ގޮތުން ހަރަމްފުޅު ތެރެއާ ހޮސްޕިޓަލްތައް ބަލަމުން ދާކަމަށް ހައްޖު ކޯޕަރޭޝަނުން މައުލޫމާތް ދެއެވެ. ހައްޖު ކޯޕަރޭޝަނުން ބުނީ އެ ފަރާތުގެ ހަވާލުގައި 84 މީހުން މި ރޯދަމަހު އުމްރާއްށް ގެންގޮސްފައި ވާ ކަމަށެވެ. އަދި އެހެން ހުރިހާ އެންމެންގެ ހާލުވެސް ރަނގަޅު ކަމަށް އެ ކޯޕަރޭޝަނުން މައުލޫމާތު ދެއެވެ.
މީގެ ކުރިންވެސް ހައްޖަށް އަދި އުމްރާއަށް ދާ މީހުން ގެއްލުމުގެ އެކި ހާދިސާތައް ހިނގާފައި ވެއެވެ. އެހެން ކަމުން ހައްޖަށް ނުވަތަ އުމްރާއަށް ދިޔުމަށް ފުރުމުގެ ކުރިން މިފަދަ ހާލަތްތަކުގައި އަމަލު ކުރާނެ ގޮތް ކިޔައިދެއެވެ.
