މޯލްޑިވްސް ޑިމޮކްރެޓިކް ޕާޓީ (އެމްޑީޕީ) ގެ ރަސްމީ މޮބައިލް އެޕްލިކޭޝަން "ޔެލޯ" މިއަދު ލޯންޗުކޮށްފިއެވެ.
މި އެޕް ލޯންޗުކުރީ ޕާޓީގެ ކޮންގްރެސްގެ ތެރެއިން ބޭއްވި ރަސްމީ ހަފްލާއެއްގައެވެ. ޕާޓީން ބުނީ މި އެޕްލިކޭޝަން މެދުވެރިކޮށް މެމްބަރުންނަށް ޕާޓީގެ އެންމެ ފަހުގެ ހަބަރުތަކާއި، ކުރިއަށް ރޭވިފައިވާ ހަރަކާތްތަކުގެ މައުލޫމާތު ސީދާ ލިބޭނެ ކަމަށެވެ. އަދި އައިޑީ ކާޑު ނަންބަރު ބޭނުންކޮށް އެޕަށް ލޮގިންކުރެވޭނެ ކަމަށްވެސް އެ ޕާޓީން ވަނީ ބުނެއެވެ.
"ޔެލޯ" އެޕްގައި ޕާޓީގެ މެންބަރުންނާ ގޮފިތަކާ ގުޅުވައިދޭ ހާއްސަ ޗެޓް ސިސްޓަމެއް ހިމެނޭ އިރު، މެންބަރުންނަށް އެކަކު އެކަކާއި މަޝްވަރާ ކުރެވޭނެ އަދި ޕާޓީގެ ސޯޝަލް ނެޓްވޯކިން ފީޗަރުތަކަކާއި ވެސް އެއްކޮށް ބޭނުންކުރެވޭނެއެވެ.
އިބްރާހިމް ވަހީދު ވިދާޅުވީ މި އެޕްލިކޭޝަނަކީ ޕާޓީގެ އިދާރީ ކަންކަން އިތުރަށް ފަސޭހަކޮށް، މެމްބަރުންނާ ޕާޓީ ދެމެދުގެ ގުޅުން ބަރުގަދަ ކުރުމަށް މުހިންމު ފިޔަވަޅެއް ކަމަށެވެ.
އެމްޑީޕީ ބުނީ މިހާރު 1100 އަށް ވުރެ ގިނަ މެންބަރުން "ޔެލޯ" އެޕް ބޭނުން ކުރަމުންދާ ކަމަށާ، ކުރިއަށް ޕާޓީގެ ގިނަ މެންބަރުން މި ޕްލެޓްފޯމް ބޭނުންކުރާނެ ކަމަށް އުންމީދު ކުރާކަމަށެވެ.
