މުވައްޒަފުންނަށް ހާއްސަކޮށްގެން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ކުރިއަށް ގެންދާ ޑާޓާ އާޓް މުބާރަތަށް ވޯޓުދީގެން 5،000 ރުފިޔާ ހޯދުމުގެ ފުރުސަތު ހުޅުވާލައިފިއެވެ.
ތަފާސްހިސާބު އާޓްވޯކެއް ގޮތަށް ގެނެސްދިނުމަށް ހުޅުވާލާފައިވާ މި މުބާރާތަށް އާންމުންނަށް ވޯޓު ދެވޭ ގޮތަށް ވަނީ ހުޅުވާލާފައެވެ. އެ ގޮތުން ވޯޓު ދޭ އާންމުގެ ތެރެއިން ގުރުއަތުން ހޮވޭ ފަރާތަކަށް 5000 ރުފިޔާގެ އިނާމެއް ދިނުމަށް ވަނީ ހަމަޖހެިފައި ކަމަށް އެމްއެމްއޭ އިން ބުނެއެވެ.
މުބާރާތުގެ އާޓް ވޯކްތަކަށް، އޮންލައިންކޮށް ވޯޓު ދިނުމުގެ ފުރުސަތު، މާދަމާގެ މެންދުރު 12:00 އާ ހަމައަށް ވަނީ ހުޅުވާލާފައެވެ.
މި މުބާރާތުގެ ސަބަބުން ތަފާސް ހިސާބަށް އޮންނަ ހޭލުންތެރިކަން އިތުރުވެގެންދާނެ ކަމަށް އުންމީދުކުރާ ކަމަށް އެމްއެމްއޭ އިން ބުނެއެވެ.
މި މުބާރާތުގައި އެމްއެމްއޭގެ ހަ ޓީމް ބައިވެރިވެއެވެ.
