ރައީސް ޑރ. މުހައްމަދު މުއިއްޒު، ރާއްޖޭގެ ޑިވެލޮޕްމަންޓް ބޭންކުގެ އޮފީސް ރަސްމީކޮށް ހުޅުވައިދެއްވައިފިއެވެ.
ރާއްޖޭގެ ޑިވެލޮޕްމަންޓް ބޭންކުގެ އޮފީސް ހުޅުވީ ކުދި ފަންތީގެ ވިޔަފާރިތަކަށާއި މެދު ފަންތީގެ ވިޔަފާރިތަކަށް ހާއްސަކޮށް ހިންގި ބިޒްނަސް ސެންޓަރު ކޯޕަރޭޝަން ހުރި އިމާރާތުގައެވެ.
ރާއްޖޭގެ ޑިވެލޮޕްމަންޓް ބޭންކު އުފައްދަވަން ރައީސް ނިންމަވައި އެ ބޭންކު އުފެއްދެވީ މިދިޔަ މޭ މަހުގެ މެދުތެރޭގައެވެ. އަދި ޖުލައި މަހުގެ ފަހުކޮޅު ޑިވެލޮޕްމަންޓް ބޭންކު އުފެއްދުމަށްޓަކައި އެމްއެމްއޭ އަށް ހުށަހަޅައި، އޮގަސްޓް މަހު އެ ބޭންކުގެ ޑިރެކްޓަރުންގެ ބޯޑަށް މެންބަރުން ވަނީ އައްޔަންކުރައްވައިފައެވެ.
އެމްއެމްއޭ އިން ރާއްޖޭގެ ޑިވެލޮޕްމަންޓް ބޭންކު ހިންގަން ބޭނުންވާ ހުއްދަ ދޫކުރީ މީގެ މަސްދުވަސް ކުރިން މިދިޔަ މަހުގެ 13 ވަނަ ދުވަހުގައެވެ.
ސަރުކާރުގެ ފުރިހަމަ އިންސައްތަ ހިއްސާ އޮންނަ މި ބޭންކު އުފެއްދުމުގެ ބޭނުމަކީ، ސަރުކާރުން ބުނިގޮތުގައި:
- ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތިން އިޖުތިމާއީ ތަރައްގީ އާއި އިގްތިސޯދީ ތަރައްގީއަށް އިންވެސްޓްކުރުމަށް
- އުމްރާނީ ތަރައްގީ އަށް ބޭނުންވާ ފައިސާ ހޯދުމާއި ސިންޑިކޭޝަން ފައިނޭންސް މެދުވެރިކޮށް ޕީއެސްއައިޕީ މަޝްރޫއުތަކަށް ފައިސާ ލިބުމުގައި ދިމާވާ ދަތިތައް ހައްލުކުރުމަށް
- ރާއްޖޭގެ ބޭންކިން ނިޒާމުގައި ބޭރު ފައިސާ ބެހެއްޓުމުގެ ޝައުގުވެރިކަން އިތުރުކުރުމަށް
ޑިވެލޮޕްމަންޓް ބޭންކުގެ މުހިންމު މަގާމުފުރާތައް އަދާކުރައްވާ ބޭފުޅުން:
- އަރޫނީ ގޫނަތިލަކަ (ޗެއާޕާސަން) - ރިސްކް މެނޭޖްމަންޓް ދާއިރާގެ ތަޖުރިބާކާރެއް، އެމެރިކާގެ ހާވާޑް ޔުނިވާސިޓީން މާސްޓާ އޮފް ލޯ ހާސިލްކުރައްވާފައިވާ ބޭފުޅެއް
- ނޮއެލް ގްރެގާ ޕެޓާސަން-ޖޯންސް (ސީއީއޯ) - ސައޫދީ އަރަބިއްޔާގެ ގައުމީ ބިނާރުގެ ފަންޑު ގާއިމްކުރުމުގައި މުހިންމު ދައުރެއް އަދާކުރެއްވި، އިނގިރޭސިވިލާތުގެ އޮކްސްފޯޑް ޔުނިވާސިޓީން މެނޭޖްމަންޓް ސްޓަޑީސްގެ ދާއިރާއިން މާސްޓާ އޮފް ފިލޯސޮފީ ހާސިލްކުރެއްވި
