އަޒަރުބައިޖާނާއި ރާއްޖެ އާ ދެމެދު ސީދާ ދަތުރުތައް މިއަދު ފަށައިފިއެވެ.
އަޒަރުބައިޖާންގެ މައި އެއާލައިން، 'އަޒަރުބައިޖާން އެއާލައިންސް' އިން ރާއްޖެއަށް އެޅި ފުރަތަމަ ފްލައިޓް ޖައްސާފައިވަނީ މިއަދު ހެނދުނު 9:45 ހާއިރެވެ.
މިކަމާ ގުޅިގެން އެމްއޭސީއެލްގެ ޗީފް ކޮމާޝަލް އޮފިސަރު މުހައްމަދު މިހާދު ވިދާޅުވީ، އަޒަރުބައިޖާންގެ ވެރިރަށް ބަކޫ އާއި ވެލާނާ އެއާޕޯޓުގެ އާ ރޫޓުގެ ސަބަބުން ދެ ގައުމުގެ ދެމެދުގައި ދަތުރުފަތުރުގެ ގުޅުން ވަރުގަދަވެ، އަޒަރުބައިޖާނުން ރާއްޖެ އަންނަ ފަތުރުވެރިންނަށް ފަސޭހައިން ދަތުރުކުރެވޭނެ މަގު ހުޅުވިގެން ދާނެ ކަމަށެވެ.
އަޒަރުބައިޖާން އެއާލައިންސްގެ ޗީފް ކޮމާޝަލް އޮފިސަރު ޖަމީލް މަނިޒާޑޭ ވިދާޅުވީ ކުރިއަށް އޮތް ފިނި މޫސުމުގައި ރާއްޖެ ފަދަ މަންޒިލަކަށް ސީދާ ދަތުރުތައް ފެށުމުން އަޒަރުބައިޖާންގެ ފަތުރުވެރިންނަށް ބޮޑު ފަސޭހައެއް ލިބިގެން ދާނެ ކަމަށެވެ.
އެމްއޭސީއެލުން ބުނީ، ހަފްތާއަކު ދެ ފްލައިޓެއް ވެލާނާ އެއާޕޯޓާއި ބަކޫ އާ ދެމެދު އޮޕަރޭޓްކުރާނެ ކަމަށެވެ. އަދި މި ދަތުރުތަކުގައި ބޭނުންކުރާނީ އެއާބަސް ބީ-787 މަރުކާގެ މަތިންދާބޯޓު ކަމަށް ވެސް އެ ކުންފުނިން މައުލޫމާތު ދެއެވެ.
