ނިމިދިޔަ 2023 ވަނަ އަހަރު އެންޓި ކޮރަޕްޝަން ކޮމިޝަނުން ތަހުގީގުކޮށް ނިންމާފައިވާ މައްސަލަތަކުން ދައުލަތަށް ލިބެންޖެހޭ 50 މިލިއަނަށްވުރެ ގިނަ ރުފިޔާ އަދިވެސް ނުލިބޭ ކަމަށް އެ ކޮމިޝަނުން ބުނެފިއެވެ.
އެ ކޮމިޝަނުން މިއަދު ނެރުނު ބަޔާނެއްގައި ބުނީ ނިންމާފައިވާ މައްސަލަތަކުގައ،ި ދައުލަތަށް ލިބެންޖެހޭ 50,370,512.75 ރުފިޔާ ހޯދުމަށް ކަމާބެހޭ ފަރާތްތަކަށް އަންގާފައިވާ ކަމަށެވެ.
ކޮރަޕްޝަނުގެ މައްސަލަތަކާ ގުޅިގެން ދައުލަތަށް ހޯދަންޖެހޭ ފައިސާ ހޯދުމުގެ މަސްއޫލިއްޔަތު އޮންނަނީ އެންޓި ކޮރަޕްޝަން ކޮމިޝަނުގައި ނޫންކަން ފާހަގަކޮށް އެ ކޮމިޝަނުން ބުނީ ދައުލަތަށް ލިބެންޖެހޭ ފައިސާއެއް ހިމެނޭކަން ތަހުގީގަށް ފާހަގަކުރެވިއްޖެނަމަ އެފައިސާއެއް ދައުލަތަށް ހޯދުމަށްޓަކައ،ި އެކަމުގެ ޒިންމާ އޮންނަ ފަރާތަކަށް ކޮމިޝަނުން އަންގަމުންދާ ކަމަށެވެ.
އެފަދައިން 2023 ވަނަ އަހަރު ކޮމިޝަނުން ތަހުގީގުކޮށް ނިންމާފައިވާ މައްސަލަތަކުގެ ތެރެއިން 10 މައްސަލައެއްގައ،ި ދައުލަތަށް ލިބެންޖެހޭ ފައިސާ ހޯދުމަށް ކަމާބެހޭ ފަރާތްތަކަށް އަންގާފައިވާ ކަމަށް ކޮމިޝަނުން ބުނެއެވެ.
"މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) އަށް 40,475,200.00 ރުފިޔާ ހޯދުމަށް އަންގާފައިވާއިރު، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ ޕްރައިވެޓް ލިމިޓެޑް (އެމްޓީސީސީ) އަށް 8,481,000.00 ރުފިޔާ ހޯދުމަށް އަންގާފައިވާނެއެވެ. އަދ،ި ފެނަކަ ކޯޕަރޭޝަން ލިމިޓެޑަށް 1,389,342.00 ރުފިޔާ ހޯދުމަށް އަންގާފައިވާނެ." އެ ކޮމިޝަނުގެ ބަޔާނުގައި ވެއެވެ.
އެގޮތުން ދައުލަތަށް ލިބެންޖެހޭ ފައިސާ ހޯދުމަށް ދައުލަތުގެ ބައެއް އިދާރާތަކަށް އަންގާފައިވީ ނަމަވެސް، 2023 ވަނަ އަހަރު ދައުލަތަށް ހޯދުމަށް އަންގާފައިވާ އެއްވެސް ފައިސާއެއް މިހާތަނަށް ދައުލަތަށް އަނބުރާ ލިބިފައި ނުވާކަމަށް ވެސް އެންޓި ކޮރަޕްޝަން ކޮމިޝަނުން ވަނީ ބުނެފައެވެ.
އަދި ހަމައެހެންމެ ދައުލަތަށް އަނބުރާ ލިބެންޖެހޭ ފައިސާ، އަނބުރާ ހޯދުމަށްޓަކައި އިދާރާތަކުން މަސައްކަތް ކޮށްފައިވާ މިންވަރު ބަލައި މޮނިޓާ ކުރުމަށް 2022 ވަނަ އަހަރު އެކަމަށް ހާއްސަ ނިޒާމެއް ކޮމިޝަނުގައި ގާއިމު ކޮށްފައިވާނެ ކަމަށާއި މި ނިޒާމުގެ ތެރެއިން އިދާރާތަކުން އަމަލުކޮށްފައިވާ މިންވަރު ބެލި ބެލުމުގައ،ި ދައުލަތުގެ އިދާރާތަކުން މިކަމުގައި އެކަށީގެންވާ މަސައްކަތެއް ކޮށްފައި ނުވާތ،ީ ގާނޫނީ ގޮތުން މިކަމުގައި އަޅަންޖެހޭ ފިޔަވަޅުތައް އަޅާނެކަމަށެވެ.
