ހޯމް މިނިސްޓްރީގެ ރަސްމީ ވެބްސައިޓު ހެކްކޮށް، ޑައުންކޮށްލައިފިއެވެ.

މީޑިއާތަކަށް ފޮނުވި މެސެޖެއްގައި އެ މިނިސްޓްރީން ބުނީ:

  • ދިމާވި ޓެކްނިކަލް މައްސަލައެއްގެ ސަބަބުން ވެބްސައިޓް ޑައުންވެފައިވާ ކަމަށް
  • އެންސީއައިޓީ އާ ގުޅިގެން މައްސަލަ ހައްލުކުރަމުންދާ ކަމަށް

ދައުރުވަމުންދާ ސްކްރީންޝޮޓްތަކުން ފެންނަ ގޮތުގައި ހޯމް މިނިސްޓްރީގެ ވެބްސައިޓު ހެކްކުރީ އިންޑިއާ އަށް ނިސްބަތްވާ 'އިންޑިއަން ސައިބާ ފޯސް' ނަމަކަށް ކިޔާ ހެކަރުންގެ ގްރޫޕަކުންނެވެ.

ހޯމް މިނިސްޓްރީގެ ވެބްސައިޓު ހެކްކޮށް އެ ގްރޫޕުން ދިން މެސެޖުގައި ބުނީ އިންޑިއާ އިން ދިވެހީންނަށް ވެދިން އެހީތެރިކަމުގެ އަގުވަޒަންކުރަން ޖެހޭ ކަމަށާއި، ނަމަވެސް ދިވެހީން އެ އެހީތެރިކަމުގެ އަގުވަޒަންނުކުރާ ކަމަށެވެ.

އެ މެސެޖުގައިވާ ގޮތުން ހޯމް މިނިސްޓްރީގެ ވެބްސައިޓު ހެކްކުރީ ރާއްޖޭން އިންޑިއާ އާ ދެކޮޅަށް މަސައްކަތްކުރާތީ ކަމަށް ބުނެއެވެ. ބެލެވޭ ގޮތުގައި އިންޑިއާގެ ހެކަރުންގެ ގްރޫޕުން މިނިސްޓްރީގެ ވެބްސައިޓު ހެކްކުރީ މިދިޔަ ޖެނުއަރީ މަހު އިންޑިއާގެ ބޮޑުވަޒީރު ނަރެންދުރާ މޯދީ އަށް ކުޑައިމީސްކޮށް ސަރުކާރުގެ ތިން ނައިބު ވަޒީރަކު ކުރި ޕޯސްޓުތަކަކާ ގުޅިގެންނެވެ.

މި މައްސަލައިގައި 'ޓީމް ނެޓްވޯކް 9' ނަމަކަށް ކިޔާ އިންޑިއާގެ ހެކަރުންގެ ގްރޫޕަކުން ޖުވެނައިލް ކޯޓުގެ ވެބްސައިޓު ވެސް ހެކުކޮށްފައެވެ.

ހަބަރު ހޯމް މިނިސްޓްރީ