ބަންގްލާދޭޝް އަށް ނިސްބަތްވާ ލޭބަރުން (މަސައްކަތް ކުރާ މީހުން) ގެނެއުމުގެ ހުއްދަ އަލުން ދޭން ފަށައިފިއެވެ.
ބަންގްލާދޭޝް ލޭބަރުން ރާއްޖެ ގެނައުން މަނާކުރީ ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައެވެ. ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް އެ ސަރުކާރުން ފެށި ހާއްސަ ޕްރޮގްރާމާއެކު ކޮންމެ ގައުމަކުން ގެނެވޭނެ އެންމެ މަތީ އަދަދަކީ 100،000 ކަމުގައި ހަދާ އެމްޕްލޯއިމަންޓް އެކްޓްގައި ހިމެނިއެވެ. އެއާއެކު އެ އެގައުމަށް ކަނޑައަޅާފައިވާ ކޯޓާ ހަމަވުމުން އިތުރަށް މީހުން ނުގެނެވޭނެ ކަމަށް ސަރުކާރުން ވަނީ އިއުލާން ކޮށް ބަންގްލަދޭޝް މީހުން އެތެރެވުން ހުއްޓުވާ އިންޑިއާ އަށް އެފުރުސަތު ދިނެވެ.
އެ ނިންމުން ބާތިލްކޮށް މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީން މިއަދު ކުރި އިއުލާނެއްގައި ބުނީ މިއަދުން ފެށިގެން ބަންގްލަދޭޝްއިން ދިވެހިރާއްޖެއަށް އަންސްކިލްޑް ލޭބަރުން ގެނެވޭގޮތަށް ސަރުކާރުން ހަމަޖައްސާފައިވާ ކަމަށެވެ.
އަދި އެހެން ގައުމުތަކުން އަންސްކިލްޑް ލޭބަރުން ރާއްޖެއަށް ގެނައުން މިވަގުތު މަޑިޖައްސާލާފައިވީ ނަމަވެސް މިއަދުގެ ނިޔަލަށް އެކްސްޕެޓް އޮންލައިން ސިސްޓަމަށް އަޕްލޯޑް ކޮށްފައިވާ ޑޮކިއުމަންޓްތައް ޕްރޮސެސް ކޮށްދޭނެ ކަމަށް ބުނެއެވެ.
ބަންގްލާދޭޝްގެ ލޭބަރުން ގެނައުން މީގެ ކުރިން މަނާކުރުމާއެކު ރާއްޖެއަށް މީހުން ގެންނަމުން ދިޔައީ އިންޑިއާ، ލަންކާ، ނޭޕާލް އަދި ފިލިޕީންސް ފަދަ ގައުމުތަކުންނެވެ.
ގަވާއިދާ ހިލާފަށް ދިރިއުޅެމުންދާ ބިދޭސީންގެ މައްސަލައަށް އަވަސް ހައްލެއް ހޯދުމުގެ ގޮތުން ހާއްސަ އޮޕަރޭޝަންތަކެއް ފަށާ ގަވައިދާ ހިލާފަށް އުޅޭ ހުރިހާ ބިދޭސީން ރާއްޖެއިން ފޮނުވާލުމަށް ވަނީ އިމިގްރޭޝަނުން ނިންމާފައެވެ.
އަނެއްކާ އަނެއްކަންތައް ލައިގަތީ. ދުވަހަުވެސް ލިމިޓުހަމައެއްނުވޭ! ޤަވާއިދެއް ޤާނޫނެއްހިނގާ ބައެއްނޫން. ގެންނަނީ އަންސްކިލްޑް ލޭބަރުން. އެކަމަކު ނުކުރާ މަސައްކަތެއްނޯވޭ! މިތަނަށްއައިސް އުޅެނީ ފިލައިގެންނޯ. އެކަމަކު ގެންނަފަރާތަށް އެނގިގެން އެފަރާތަށް ބަރާބަރަށް ފައިސާދައްކަމުންގެންދަނީ. މިޤައުމަށް އޮތް އެއްމެ ނުރައްކާއެއްކަންތައް. ސަރުކާރު ތަކަށް ވާނުވާއެއް އެނގެނީއެއްނޫން ، ފިލާމީހަކު ހޯދެނީކީއެއްނޫން، ޑޮލަރމައްސަލަ ހައްލެއްވަނީކީއެއްނޫން. ނުވިތާކަށް އެމީހުންފައިސާ ފޮނުވާ ގިނަފައިސާދަނީ ޑޮލަރަށް ހަދައި ފޮއްޓަށްއަޅައިގެން. މަދުފަހަރކު ނޫނީ އަތުލެެވެނީކީނޫން. އެހާގިނަ ބަލިތައްފެތުރޭ.