މި ހަފްތާގެ ބުރާސްފަތި ދުވަހަކީ ސަރުކާރު ބަންދު ދުވަހެއްގެ ގޮތުގައި ހަމަޖައްސާފައިވާ ކަމަށް ރައީސް އޮފީހުން ބުނެފިއެވެ.
ރައީސް އޮޮފީހުން ބުނީ، މި އަހަރުގެ އިތުރު ބަންދު ދުވަސްތަކެއް ރައީސުލްޖުމްހޫރިއްޔާ 2022 ވަނަ އަހަރުގެ ޑިސެންބަރު މަހު ކަނޑައަޅުއްވާފައިވާ ކަމަށާއި އެގޮތުން ސެޕްޓެމްބަރު މަހުގެ 28ވާ ބުރާސްފަތި ދުވަސްވެސް ހިމަނުއްވާފައިވާތީ އެ ދުވަސް ސަރުކާރު ބަންދު ވާނެ ކަމަށެވެ.
28 ވަނަ ދުވަސް ބަންދުކޮށްފައި ވަނީ ސެޕްޓެމްބަރު 27 ވަނަ ދުވަހަކީ ކީރިތި ރަސޫލާގެ އީދު މީލާދީ ދުވަސް ވުމުން އެކަމުގެ މުނާސަބާ ދުވަހެއްގެ ގޮތުގައެވެ.
މިއަހަރުގެ އިތުރު ބަންދު ދުވަސްތައް ވަނީ ރައީސް އިބްރާހިމް މުހައްމަދު ސޯލިހު އިއުލާން ކުރައްވާފައެވެ. އެގޮތުން ބަންދު ދުވަސްތަކުގެ ގޮތުގާ ކަނޑައަޅާފައިވާ ތިން ދުވަހަކީ ޖޫން މަހުގެ 25 އަދި 26 އަދި ސެޕްޓެމްބަރު 28 ވަނަ ދުވަހެވެ.
