އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު ރައްޔިތުންގެ މަޖިލީހުގެ ރައީސްކަމުން ވަކިކުރަން މައްސަލަ ހުށަހަޅަން އެމްޑީޕީގެ ޕާލިމެންޓަރީ ގްރޫޕުން ފާސްކޮށްފިއެވެ.
ރައީސް ނަޝީދުގެ އިތުބާރު ނެތްކަމަށް މަޖިލީހަށް ހުށަހަޅަން އެމްޑީޕީ ޕާލިމެންޓަރީ ގްރޫޕުން ފާސްކޮށްފައިވަނީ މިއަދު ބޭއްވި ޕާލިމެންޓަރީ ގްރޫޕުގެ ބައްދަލުވުމުގައެވެ. އަދި ރައީސް ނަޝީދުގެ އިތުބާރު ނެތްކަމަށް ފާސްކުރުމަށް ސޮއި ހަމަކުރުމުގެ މަސައްކަތް ވަނީ ފަށާފައެވެ.
އެމްޑީޕީގެ ޕާލަމަންޓްރީ ގްރޫޕުން ކުރިއަށް ގެންދާ ޕްރެސް ކޮންފަރެންސެއްގައި ޕީޖީ ލީޑަރު މުހައްމަދު އަސްލަމް ވިދާޅުވީ ރައީސް ނަޝީދުގެ އިތުބާރު ނެތްކަމުގެ މައްސަލަ ހުށަހަޅަން ފާސްވީ ޕީޖީ ބައްދަލުވުމުގައި ބައިވެރިވި މެންބަރުންގެ އަގުލަބިއްޔަތުން ކަމަށެވެ. އަސްލަމް ވިދާޅުވީ މިއަދުގެ ބައްދަލުވުމުގައި 42 މެންބަރުން ބައިވެރިވިއިރު އެގޮތަށް ފާސްކޮށްފައިވަނީ 41 މެންބަރުންގެ ތެރެއިން 36 މެންބަރުންގެ ވޯޓުން ކަމަށެވެ.
މަޖިލިސް ކުރިއަށް ނުގެންދެވި ހުއްޓިފައި ވަނީ ރިޔާސަތުގައި އިންނަވައިގެން މަޖިލިސް ރައީސް އަމަލުކުރައްވާ ގޮތުން ކަމަށާއި މިއީ މެމްބަރުންގެ ކަންބޮޑުވުން ހުރި މައްސަލައެެއް ކަމަށާއި މަޖިލިސް ކުރިއަށް ގެންދެވޭނެ ގޮތެއް ހޯދަން ޕީޖީ ގްރޫޕުގެ ނިންމުމަކަށް ވީ ނަޝީދު މަގާމުން ވަކިކުރުން ކަމަށް އަސްލަމް ވިދާޅުވިއެވެ.
ރައްޔިތުންގެ މަޖިލިހުގެ ގަވާއިދުގައިވާ ގޮތުން މަޖިލިހުގެ ރައީސާއި ނައިބު ރައީސް މަގާމުން ވަކި ކުރެވޭނީ ޖަލްސާ އަށް ހާޒިރުވެ، ވޯޓުގައި ބައިވެރިވާ މެމްބަރުންގެ އަޣުލަބިއްޔަތުން ފާސްކުރުމުންނެވެ. މަޖިލީހުގެ މެމްބަރުންގެ އަދަދަކީ 87 ކަމަށް ވާއިރު، ހުރިހާ މެމްބަރުން ހާޒިރުވެ ވޯޓުގައި ބައިވެރިވެއްޖެ ނަމަ ނަޝީދު މަގާމުން ދުރުކުރަން 44 ވޯޓު ބޭނުންވާނެއެވެ.
މަޖުލިސް މެދުކަނޑާލަން ޖެހުނީ ކުރިއަށް ނުގެންދެވިގެން މަޖުލިސް މެދުކަނޑާނުލާ ކިތަންމެއިރެއްގާ ރުޔާސަތުގާއިންނެވިއަސް މަޖުލިސްގެ ކަމެއް ކުރިއަކަށް ނުދޭނެ، ފުރަތަމަ މަޖުލިސްގެ ރައީން އިންނަވާ ޗެންބަރުގާ ޕާޓުޝަން ޖަހަން ޖެހުނު ގޮތްވެސް އެނގޭނެ އެއީވެސް ހަމަ ތި އެމްޑީޕީގެ އުނދަގުލާ މުސީބާތް ބޮޑުވެގެން، އޭރާ މިހާރުވެސް މި ފެންނަނީ ހަމަ އެއްމަންޒަރެއް އެއްބައެއްގެ އުނދަގޫ ނުހޮރއްޕާން،، ހަމަ އެކަނި ބައެއްމީހުން ބަދަލުވުން ފިޔަވާ އިތުރު އެއްވެސް ކަމެއްނެތްވެފައެއް، ވީހާވެސް ކަމަކީ ހަ އެމީހުންގެ ސަރުކާރެއް ނާޖާއިޒުގޮތުގާ ނަމަވެސް މިގައުމަށް އުފަން ކުރުން، އޭރު ޗެންބަރު ފަޅާލާ ރައީސް އިންނަވާ ގޮނޑިކޮޅު އެކޮޅުކޮޅުންޖަހާ އުކާ ޗެންބަރުގާ އިންނަ ގައުމީ ދިދަވައްޓާލާ މިހެން ގޮސް ގާނޫނާ ޚިލާފު އެތައްކަމެއް ކުރި ބަޔަކުގެ ގައުމުގެ ރައީސްކަމާ، ގައުމުގެ ޑިފެންސްމިންޓަރުކަމާ ދެން ހުރިހުރިހާ ކަމެއްވެސް ލިބުނީމާ ދެންގައުމަށާ ގާނޫނަށާ ގައުމުގެ މިނިވަން ކަމަށާ ދެންމިހެން ކިއާނެ ކަމެއްނެތް ގައުމިއްޔަތަށް ވާނެ ހުރިހާ ގެއްލުމެއް ވާނެކަން ގަސްދުގާ ހަމަ ގެއްލުންދޭނެކަން ވެސް އެއީހަމަ ދުވާލުގެ އިރުފެންނަ ފަދައިނަ އެނގި ކަށަވަރު ކަމެއް، މިއަދު ގައުމުގެ ޑިފެންސް މިނިސްޓަރަކީ ގާނޫން އަސާސީއަށް ފައިންއަރާ ގާނޫނު އަސާސީގެ ހުރުމަތްކަނޑާފަ ހުރި މީހެއް، ގައުމުގެ މިނސްތަރުކަމެއްނޫ ރައީސްކަން ކީކުރަނތީ ރަސްކަން ލިބުނަސް އެވާނީ ހަމަ އެޔަށް، މީހުން ބުނާތީ އަހަން ބަޅެއްގެ ނަގޫ ސަންފާއޮނަކަށް ލާފާ އެތައްޒަމާނެއް ކޮށްފާ ނެގިއަށް އެ އޮންނާނީ ހަމަ ބަޅުކޮށޭ، އެއީ ހަމަ ވަރަށް ތެދު ރިވެތި މިސާލެއް.