ކުރީގެ ރައީސް އަބްދުﷲ ޔާމީނަށް ކްރިމިނަލް ކޯޓުން އިއްވި 11 އަހަރުގެ ޖަލު ހުކުމުގެ އިސްތިއުނާފް މައްސަލަ ހައި ކޯޓުން ބަލައިގެންފިއެވެ.
ވ. އާރަށް ކުއްޔަށް ދިނުމުގެ މައްސަލާގައި ޔާމީންގެ މައްޗަށް އުފުލީ މަނީލޯންޑަރިންގެ ދައުވާގެ އިތުރުން ރިޝްވަތު ހިފުމުގެ ދައުވާއެވެ.
ރައީސް ޔާމީންގެ މައްޗަށް އުފުލާފައިވާ ދައުވާ ސާބިތުވެ އެ މަނިކުފާނު 11 އަހަރަށް ޖަލަށްލައި، ފަސް މިލިއަން ޑޮލަރުން ޖޫރިމަނާ ކުރަން ކްރިމިނަލް ކޯޓުން ހުކުމް ކުރީ މިދިޔަ ޑިސެމްބަރު މަހުގެ 25 ވަނަ ދުވަހުއެވެ.
އެ މައްސަލަ އިސްތިއުނާފް ކުރަން ޔާމީންގެ ފަރާތްޕުޅުން ހުށަހެޅުއްވީ މިދިޔަ ފެބްރުއަރީ މަހު އެވެ. އިސްތިއުނާފްގެ ބައެއް ކަންކަން އިސްލާހުކުރަން އެންގުމަށްފަހު އެ މައްސަލަ ބަލައިގަނެ، ރަޖިސްޓްރީ ކޮށްފައިވާ މިއަދު ހައި ކޯޓުން ވަނީ އަންގައިފައެވެ.
އެ މައްސަލަ ބަލައިގަތުން ލަސްވާތީ އިދިކޮޅު ޕީޕީއެމުން ގެންދަނީ ކަންބޮޑުވުން ފާޅުކުރަމުންނެވެ.
ކުރިއަށް އޮތް އިންތިހާބުގައި އިދިކޮޅު ކޯލިޝަންގެ ފަރާތުން ވާދަކުރައްވާ ޔާމީންގެ މައްޗަށް އާރަށުގެ މައްސަލައިގައި ކުރި ހުކުމާ ގުޅިގެން އިންތިހާބުގައި އެމަނިކުފާނަށް ވާދަކުރެއްވުމުގެ ފުރުސަތު ކުޑައެވެ. ޔާމީނަށް އޮތް ހަމައެކަނި ގޮތަކީ އެ ހުކުމް އިސްތިއުނާފުވެފެން މިނިވަންވުމެވެ. ފުއްގިރި މައްސަލަ ސާބިތުވެއްޖެ ނަމަ އެ ހުކުމް ބާތިލްކުރަން ވެސް ޖެހޭނެއެވެ.
ޖަމީލު މެން ވެސް ޔާމީން ސަލާމަތް ކުރާށޭ ކިޔާފަ ކުޅޭ ކުޅިވަރު މިހިރަފެންނަނޫ. އިނގެޔޭ ސަލާމަތެއް ނުކުރެވޭނެ ކަން ވެސް. ދެން ކޮންމެވެސް ވާހަކައެއް ދައްކައިގެން ބައެއްގެ ދިރިއުޅުމުން ދުވަސްތަކެއް ބާކީ ކޮށްލޫން ކަމަކޫ. ޕީޕީއެމް ސަޕޯޓަރުން މި ތިބޫ ޔާމީން މިނިވަން ވާނެ ކަމޯ. ޖަމީލް މެން ދައްކާ ހާ ބުހުތާނު ދޮގުތަކުގެ މަޅީގައި ބެދެއްޖެ. ހީވޭތަ ޖަމީލް ހެޔޮ ހިތުން ޔާމީން ސަލާމަތް ކޮށްފާނުހެން. މާޒީއަށް ބަލާލާ. މީ ވަރަށް ވާހަކަ