ވެލާނާ އިންޓަނޭޝަނަލް އެއާޕޯޓުގެ އާ ރަންވޭ ބޭނުން ކުރަން ފެށިފަހުން އެންމެ ގިނަ އަދަދެއްގެ ފްލައިޓު މޫމަންޓު ރިކޯޑް ކުރެވިފައި ވަނީ މި މަހުގެ 22 ވަނަ ދުވަހު ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.
އެމްއޭސީއެލް އިން އޮކްޓޯބަރު މަހުގެ ހަ ވަނަ ދުވަހު އާ ރަންވޭ ބޭނުން ކުރަން ފެށިފަހުން އެންމެެ ގިނަ ފްލައިޓު ޖައްސާފައިވަނީ ބުރާސްފަތި ދުވަހުއެވެ. އެގޮތުން އެ ދުވަހު ޖުމްލަ 228 ރަންވޭ މޫވްމަންޓު ރެކޯޑު ކޮށްފައިވާއިރު 104 އިންޓަނޭޝަނަލް އަދި 104 ޑޮމެސްޓިކް މޫވްްމަންޓު ރެކޯޑްކޮށްފައިވެއެވެ. އޭގެ ތެރޭގައި 20 ޖެނެރަލް އޭވިއޭޝަން ހިމެނެއެވެ.
އާ ރަންވޭއަކީ ގަޑިއިރަކު 21 މަތިންދާބޯޓު އޮޕަރޭޓްކުރެވޭ ގޮތަށް ތަރައްގީ ކޮށްފައިވާ ރަންވޭއެކެވެ.
ދިގުމިނުގައި 3,400 މީޓަރު އަދި ފުޅާމިނުގައި 60 މީޓަރުގެ އާ ރަންވޭ ތަރައްގީ ކުރުމުގެ މަސައްކަތް ފެށީ ޗައިނާގެ އެގްޒިމް ބޭންކުގެ 373 މިލިއަން ޑޮލަރުގެ ލޯނުން 2017 ވަނަ އަހަރުއެވެ. އާ ރަންވޭ ހެދީ ޗައިނާގެ، ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އިންނެވެ.
