ނ. ހެނބަދޫން ވީނުވީއެއް ނޭނގި ގެއްލުނު މީހަކު ހޯދަން ފަށައިފިއެވެ.
ފުލުހުން ބުނީ، ހެނބަދޫން މީހަކު ގެއްލިގެން ރިޕޯޓުކޮށްފައި ވަނީ މިރޭގެ ވަގުތެއްގައި ކަމަށެވެ.
އެގޮތުން ވީނުވީއެއް ނޭނގި، ގެއްލިގެން ހޯދަމުން ދަނީ އިބްރާހީމް ރާމިޒް، ކުންނާރުގެ / ނ. ހެނބަދޫ (28އ) ކަމަށް، ފުލުހުން ބުންޏެވެ.
ރާމިޒްގެ އާއިލާ އާ ހަވާލާދީ ފުލުހުން ބުނި ގޮތުގައި:
- ރާމިޒް އެންމެ ފަހުން ފެނުނީ ހެނދުނު
- އޭރު ހުރީ އަޅި ކުލައިގެ ޓީޝާޓަކާއި ނޫކުލައިގެ ސޯޓެއް ލައިގެން
- މިއަދުގެ ވަގުތެއްގައި ކެނޯއެއްގައި އެކަނި އޭނާ ކަނޑުމައްޗަށް ނުކުތްކަމަށް ބެލެވޭ
އޭނާ ފެނިއްޖެ ނަމަ، ނުވަތަ މައުލޫމާތެއް ލިބިއްޖެ ނަމަ، ކެނދިކުޅުދޫ ފުލުހުންގެ ސްޓޭޝަނާ ގުޅައި (9311499) މައުލޫމާތު ހިއްސާކުރުމަށް ފުލުހުން އެދިފައިވެއެވެ.
